港情侶酒店Staycation撞正女友M到 男友叫港女做一件事被網民取笑
廣告
去旅行或去玩時撞正M到，相信是不少女生最痛苦的事。早前有港女分享與男友去酒店Staycation前夕撞正姨媽到，而男友竟然說了句「飲水姨媽會快啲走」，這令到港女嬲爆大鬧男人「成日都用下半身諗嘢」！
港女怨男友為去Staycation做運動
不少情侶都鍾意Book個Staycation去酒店放鬆一下，然而去Staycation撞正女性月事，實在是無可奈何、無法避免。點知最近有港女就在香港討論區分享男友的極品「屎橋」，真係冇得頂！
男友叫港女：飲水姨媽會快啲走！
臨近Staycation，男友一聽到港女「姨媽到」，即刻頭耷耷好失望。等到出發去酒店前一晚，男友忽然提議港女「飲多啲水」，話自己上網見到「飲水姨媽會快啲走」，講到似層層咁，似乎好心急想趕走姨媽！
飲水能否趕走「姨媽」實在無從得知，不過港女秒速火滾就似乎是意料之內，於貼文一次過鬧晒全部男人：「點解啲男人為咗想要，可以諗呢啲咁嘅屎橋啊」，仲話「我唔想（做二人運動）嘅，即使姨媽喺唔喺度都唔會想」，向男友要求果斷落閘！
好多網民見到，都對港女男友的智商感到相當震驚，話「飲水姨媽會快啲走」的講法毫無科學根據，簡直「低能」。有網民插嘴話「衝紅燈又何妨」，不過要知道交通規則都有教，過馬路要睇燈，隨時有意外發生，大家真係要小心。
關鍵詞
玩樂熱話
圖片來源：Unsplash@seitamaaphotography、香港討論區
