銅鑼灣火焰原隻龍蝦火鍋 限量A5和牛拼盤+鴨髀煲仔飯+玩味搞鬼裝潢|區區搵食
銅鑼灣火焰原隻龍蝦火鍋 限量A5和牛拼盤+鴨髀煲仔飯+玩味搞鬼裝潢|區區搵食

銅鑼灣火焰原隻龍蝦火鍋 限量A5和牛拼盤+鴨髀煲仔飯+玩味搞鬼裝潢|區區搵食

冬天來臨,又是火鍋的季節。最近於銅鑼灣新開樓上火鍋店,去滾,店內充滿玩味裝潢,菜式選擇相當豐富,首推以原隻龍蝦入饌的湯底,濃郁富海鮮味。配料方面有A5和牛拼盤、冰鎮鮑魚等,仲有煲仔飯可選,食完暖笠笠超正!

撰文:Sakura 攝影:Woody

銅鑼灣6,000呎樓上火鍋店
玩味搞鬼裝潢

香港人真係好鍾意去滾!咩話?我講緊打邊爐呀!無論春夏秋冬,都無阻香港人打邊爐的熱情。近年火鍋店大行其道,愈開愈多,要突圍就要花點心思,好像銅鑼灣新開樓上火鍋店「去滾 」,佔地 6,000呎,以「滾」為 主題,充滿玩味裝潢,一系列霓虹招牌 裝飾,一進店就看到大大塊招牌寫著麻辣混醬,湯底先麻後辣,勝在吃完不會太油膩。 「唔滾唔知身體好」以及「男人去滾,女人唔緊」,相當鬼馬兼抵死。

銅鑼灣
銅鑼灣最近新開樓上火鍋店,去滾,餐廳上方寫上「男人去滾,女人唔緊」字句,相當鬼馬。店內首推以原隻龍蝦入饌的火鍋,鮮味濃郁。
餐廳設有VIP房,更提供卡啦OK設備,適合一大班朋友。

火焰原隻龍蝦火鍋

店內多款「紅牌 」火鍋湯底都相當吸睛,其中原隻龍蝦花甲海鮮湯,用上原 隻波士頓龍蝦配上爽口鮮甜的花甲及紅蟹等海鮮,真材實料。上桌時先以75°C的冧酒點火提味,再加入海鮮濃湯再煮,香氣撲鼻。另推介「後欄剋星」是一款麻辣海鮮湯,由青椒、紅椒、指天椒及泡椒乾炮製而成,並用四川醬及重慶醬自家製出麻辣混醬,湯底先麻後辣,勝在吃完不會太油膩。

原隻龍蝦花甲海鮮湯底 $468
湯底先以新鮮海蝦煎香再煲兩至三小時,並加入牛油炒香紫洋葱、白洋葱及雜菌,再加入原隻波士頓龍蝦及各款海鮮,淋上冧酒點火提味,湯底富濃郁海鮮味!
湯底用上原隻波士頓龍蝦,花甲,紅蟹等海鮮,相當足料。
龍蝦花甲海鮮鍋採用的龍蝦好大隻, 肉身彈牙,結實多汁。
鴛鴦湯底 (後欄剋星,芫荽皮蛋滑豆腐湯)$258
兩款湯底可同時滿足心大心細的人,後欄剋星麻辣味濃,又有陣陣鮮香;芫荽皮蛋滑豆腐湯底芫荽味重,湯頭清甜入味。

鹿兒島A5和牛拼盤+臘鴨髀煲仔飯

作為牛魔王的一分子,吃火鍋對於牛的質素一定有所要求,「 鹿兒島野崎牛稀少部位品嘗盤 」就很有驚喜,每日限定五份,為A5和牛牛頸脊及牛腰脊,色澤鮮艷,肉質鮮嫩且軟腍,加上沾滿惹味湯汁,濃厚的牛味更加突出,超正!食完唔夠喉,亦可點煲仔飯,以鴨髀及膶腸作料,油香十足,食完暖笠笠!

鹿兒島野崎牛稀少部位品嚐盤 $488
每日限定5份,包括 A5和牛頸脊及牛腰脊,色澤鮮艷,滿布雪花紋。
A5和牛腰脊食落油脂甘香,入口即溶。
有排舔冰鎮鮑魚$78
開胃小吃,大連鮑魚每日新鮮運到,質感富彈性,煙韌爽口。
南安臘鴨髀.膶腸煲仔飯 $198
唔夠喉還可吃煲仔飯,選用台灣珍珠米製,飯粒香噴噴,充滿臘味油香。
唔滾唔知身體好,大家有空不妨去滾下。

去滾

地址:銅鑼灣登龍街1號金朝陽中心2期 Midtown27樓(顯示地圖
電話:2543 8222
Facebook專頁:A Smoking Affair 去滾
營業時間:星期日至四 6pm-2am、星期五及六 6pm-3am
平均消費:$400
備註:設加一,收現金及信用卡

最新吃喝玩樂資訊