黃翠如爆睇過洪永城全相 蕭生蕭太踩界講鹹濕嘢收投訴
黃翠如爆睇過洪永城全相 蕭生蕭太踩界講鹹濕嘢收投訴

黃翠如爆睇過洪永城全相 蕭生蕭太踩界講鹹濕嘢收投訴

無綫台慶節目《珍惜香港發放娛樂TVB52》上周二(19日)以錄播形式出 街,全台逾160位藝員攜手演出多個項目。不過節目期間發生插曲,令黃翠如蕭正楠接獲400宗投訴!

撰文、圖片:東方新地

黃翠如爆洪永城大鑊內容不雅接獲400宗投訴

台慶一如以往嘅大型歌舞表演當然唔少 得,仲有大棚人圍爐玩遊戲,當中由蕭正楠、黃翠如夫妻檔聯同兩大密友洪永城及曹永廉演出嘅「真假遊戲」,翠如喺節目中自爆睇過洪永城全相,又嘲其性器官短小,仲話:「就係因為睇過佢先鍾意阿蕭!」因為內容不雅接獲400宗投訴,事後蕭生蕭太都知衰,翠如話:「我有檢討過,好似係有啲不雅,以後唔可以太踩界。」

蕭生蕭太聯同兩大閨密洪永城及曹永廉演出節目「真假遊戲」,大講黃色笑話而收投訴,事後翠如知衰承認會好好檢討:「以後唔可以太踩界。」
蕭生蕭太聯同兩大閨密洪永城及曹永廉演出節目「真假遊戲」,大講黃色笑話而收投訴,事後翠如知衰承認會好好檢討:「以後唔可以太踩界。」
蕭正楠、黃翠如夫妻檔出席活動吸金,阿蕭坦言有親自下廚谷肥老婆:「我平日煮飯暗地煮多一倍,通常佢都會食清光。」

蕭正楠護航代妻道歉 洪永城澄清「無被睇過全相」

至於被洪永城揶揄淫賤不能移,翠如否認睇過對方全相:「其實我都係同大家同步睇嘅電視畫面,問阿蕭啦,佢哋成日一齊去廁所。」阿蕭亦為老婆護航:「對白都係度出嚟,因為大家太好朋友,講嘢唔會勒住。(怕唔怕人哋女友嬲?)洪永城見到女友就會重振雄風啦!」洪永城事後亦表示當晚大家照稿讀,佢亦都話會檢討日後說話要小心,並強調只係娛樂大家,澄清翠如冇見過佢全相。

節目中,翠如自爆見過洪永城全相,阿蕭反問:「真定假?真係肯定睇到?」 洪永城則稱:「唔好亂講,我有女朋友。」阿廉同阿蕭則心急問係咩「形狀」?翠如蠱惑地擺出手勢話:「嗰個形狀。」

小生花旦曬冷 Do姐欽點陳豪開金口

台慶當晚另一環節,由陳豪、陳展鵬、馬國明、袁偉豪、胡定欣、唐詩詠、李佳芯、蔡思貝及陳煒等多位小生花旦,分成男女兩組進行歌唱比賽,一直扭扭擰擰嘅陳豪以為可以匿喺人群後蒙混過關,點知最終難逃一劫,由Do姐鄭裕玲親自出馬點名叫佢開金口,最終阿Mo開腔唱咗幾句「我我我為了愛情」,全場爆笑!

分男女兩組對唱時,最搞笑係陳豪一直扭扭擰擰,最終喺 Do 姐號令下至哼咗幾句「我我我為了愛情」。
至於重頭戲「台慶大獎」抽獎環節,馬國明、 林穎彤、邱晴及陳偉洪被選中爭奪大獎,結 果 52 萬元大獎由邱晴奪得,馬明則獲 10 萬元安慰獎。
台慶騷完場由兩大阿姐汪明荃與鄭裕玲帶領全體藝人唱出〈東方之珠〉。

最新吃喝玩樂資訊