32歲高海寧與鄧智偉婚前盡地一煲 胸狠開工勢要上位做一姐

影視娛樂

廣告

08年參選港姐入行的高海寧 (高Ling),在無綫奮鬥達十年,頭幾年被封花瓶、咪神,她抗拒激凸身材被定型,後因崇拜而愛上前無綫音樂總監鄧智偉,高Ling曾揚言想35歲前嫁人,現年32歲的高Ling仲有三年時間作最後衝刺,趁住無綫花旦青黃不接,身為大師姐的她決定盡地一煲,胸狠開工!

撰文、圖片:東方新地

高海寧不甘觀眾只看身材曾患抑鬱終被認同

想當年,高海寧選完港姐加入無綫,21歲青春無敵的她憑34D 火辣身材幾乎日日見報,因為沒有特別技能,只好性感示人,不 過原來高Ling很介意別人戴有色眼鏡去看她,認為大家只關注她的身材而無視她在工作方面付出的努力,結果一度患上抑鬱症, 她刻意封胸收起性感,可惜令事業變得無起色,她未有放棄,繼續默默拍劇,即使做配角都努力做好每個角色。拍過近三十套 劇,今年與楊明合作的《婚姻合伙人》終於首次擔正,而早前熱播的《金宵大廈》,飾演人母角色更備受讚賞,演技亦被觀眾認同。

收放自如上到位聘新助手胸狠開工

知情者透露:「中間幾年高Ling係好迷惘,佢唔想被定型,所以封胸,點知工作量同曝光率下跌,不過佢堅持到底,近年主力拍劇,努力咗幾年終於有收成。其實之前都有高層勸佢唔可以太收埋自己,因為太多後起花旦肯性感 肯捱肯博,繼續落去年紀大更加冇著數,所以高Ling間中都會露少少,吊吓大家癮。去年開始啲當家花旦一係離巢一係結婚生仔,年中又發生黃心穎偷食事件,早前連上緊位嘅Ali (李佳芯)都盛傳入埋雪櫃,高Ling機會嚟喇!

成TVB多產花旦手握4劇再同張智霖拍賀歲電影

事實上,高Ling過去一年非常勤力,已成為無綫多產花旦之 一,仍有《C9特工》、《殺手》、《反黑路人甲》及《網絡騙案》四劇在手等播,而她亦是樂易玲頭等愛將之一,現正夥拍男神張智霖拍攝邵氏有份投資的賀歲電影《非凡三俠》,唔靠身材一樣可以上位。

男友鄧智偉成動力有共識各自衝刺

高Ling突然開竅向前衝,男友鄧智偉都是推動力之一,二人拍拖多年已是公開的秘密,不過高Ling從來不高調談情,連合照都唔會畀人 影到,她曾表示如果一段感情輸在外界壓力下,很不值得,所以她想等到能接受大家祝福的時候,才向大家慢慢分享她的愛情故事。而渴望35歲前結婚的高Ling,亦不諱言與鄧智偉早已有共識,早年男友離開無綫向外闖,成立自己的公司發展其音樂事業,高Ling希望花兩年時間讓他們各自在事業上衝刺。

目標最少生3個婚後學陳茵媺專注湊B

知情者說:「出年一月高Ling就33歲,即係話距離要結婚嘅日子仲有唔夠三年,其實佢同鄧智偉關係已好穩定,所以高Ling好想婚前喺幕前有一番作為,因為佢好想生BB,最少生兩個,佢之前都話會以陳茵媺做目標,生完想專注湊小朋友。而鄧智偉近年喺國內亦發展得好好,高Ling都想佢站穩陣腳先結婚。」

對於事業與家庭,高Ling有晒全盤計劃,依家有晒天時、地利、 人和,更難得是男友完全配合,高Ling目標係成就解鎖,兩年內捧走視后即嫁人生B,成為人生勝利組,不過攞唔到都唔緊要,做鄧太一樣咁幸福!