【飲食擂台A&B】 重口味 波子汽水 咖喱鬥泡菜

波子汽水 有原味或果味好正常啦,係咪先?但若然我話你知, 波子汽水 進化到有咖哩味和泡菜味,你又敢唔敢試?近日就在便利店發現這兩款 重口味 波子汽水,今次就等我地做烈士,比拼下佢哋邊個好飲啲、邊個伏啲!

A代表: 大阪咖哩味波子汽水

重口味波子汽水_B copy

一打開無乜咖喱味湧出嚟,要大力用鼻去聞先有少少咖喱香料味,倒出來淺黃色,比忌廉汽水深色一點。

 

記者點睇?

「淨係飲到甜味,味道和忌廉、雪碧汽水近似,有微微辛辣感覺,易入口,飲多幾啖都OK。」

 

烈士一號:「甜甜地,似薑啤的味道。」

烈士二號:「有點像溝淡了的可樂味,接近Coke Zero,聞到類似印度、茴香的香料味。」

烈士四號:「這個咖喱很輕劑量,無乜料到。」

重口味波子汽水_G copy
呢位同事話似雪碧,甜甜地幾好飲。

味道:★★★☆☆

中伏指數:★☆☆☆☆

價錢:★★★★☆ (單售:$10/支)

B代表:泡菜味波子汽水

重口味波子汽水_C copy
紅卜卜的汽水、好似化學色素;撕開招紙已經有點唔對路,一開蓋轟來一股濃烈蒜頭味,十步之內都聞到,可想而知有幾 重口味 。
 

記者點睇?

(飲到面容扭曲、再倒抽一口涼氣)
「好似食咗成粒蒜頭咁,但係又甜甜地,很奇怪。After-taste的反攻先大鑊,可唔可以俾粒香口膠我?」
烈士一號:「嘩,好似燒元寶蠟燭香那種煙味,又酸,好得人驚呀。」(差啲以為這位同事飲完有幻覺)

烈士二號:「飲到泡菜味呀,唔錯!幾得意,都唔辣,飲完都唔覺有唔舒服。」
烈士四號:「這些泡菜係咪醃得太耐、過咗期呀?」

重口味波子汽水_D copy
這位烈士齋聞都已經唔想飲喇
重口味波子汽水_E copy
飲到樣都變埋!
重口味波子汽水_F copy
但係佢又飲得好開心,仲嫌唔夠辣添。

 
味道:★☆☆☆☆
中伏指數:★★★★☆
價錢:★★★★☆ (單售:$10/支)
好彩烈士們飲完無出事,可以進入投票時間,結果咖喱味以4票勝出,大家都話可以接受,飲得過。仲有一票去咗邊?就係其中一位同事選擇了泡菜味,佢仲話刺激啲,識飲一定係飲泡菜味。大家都好欣賞他的膽色,不過論重口味和中伏程度,確實泡菜味比較危險。勇者們,你又會揀邊樣?
銷售點:全線OK便利店
延伸閱讀:
【 自助餐 放蛇起底組 】直擊試食 $38黐線價素菜Buffet
點揀有營養 椰青水 ?5大牌子大比拼

最新吃喝玩樂資訊