將軍澳2萬呎掃街小食新場 薑葱麵包蟹龍蝦+鰻魚飯+餃子 寶琳市場|周末好去處
將軍澳2萬呎掃街小食新場 薑葱麵包蟹龍蝦+鰻魚飯+餃子 寶琳市場|周末好去處

將軍澳2萬呎掃街小食新場 薑葱麵包蟹龍蝦+鰻魚飯+餃子 寶琳市場|周末好去處

將軍澳最近多了個掃街小食場,佔地2萬6千呎,最吸引有8間熟食店,必食薑葱炒麵包蟹、龍蝦,更有爆棚日式叉燒飯、鰻魚飯、泰式鑊氣金邊粉、串燒和即包餃子等,飲埋杯黑糖珍珠鮮奶和芝士奶蓋,又多個搵食地方!

撰文:Joan 圖片:Woody

將軍澳2萬呎掃街小食新場

將軍澳寶琳街市最近翻新完畢,全場佔地2萬6千呎,同場分兩區,一邊是街市,另一邊是掃街小食場,現時有8檔已開幕,即睇有咩食!

將軍澳2萬呎掃街小食新場 必食薑葱麵包蟹+龍蝦

將軍澳最近多了個掃街小食場,佔地2萬6千呎,最吸引有8間熟食店,必食薑葱炒麵包蟹、龍蝦,更有爆棚日式叉燒飯、鰻魚飯、泰式鑊氣金邊粉、串燒和即包餃子等,飲埋杯黑糖珍珠鮮奶和芝士奶蓋,又多個搵食地方!|#周末好去處詳情:weekendhk.com/993928==============【海洋公園限時優惠】買3個或以上「智紛全年證」及續購均可享65折。11月10日或之前續購更可獲$200攤位遊戲券。即立刻申請,盡享一系列獨家精彩會員優惠啦!http://bit.ly/36jdOgD==============#新假期飲食 #將軍澳 #寶琳 #掃街 #小食 寶林市場

Posted by 新假期周刊 on Thursday, 7 November 2019

將軍澳
掃街小食區,有8間餐廳已開幕,有兩間未開,店舖前都有少量座位可堂食,也可外賣買回家慢慢嘆。

1. 撈得店:薑葱麵包蟹+龍蝦

撈得掂以海南特色美食為主,當中海鮮最為吸引!必食推介為薑葱炒麵包蟹及龍蝦,海鮮先炸後炒,香氣撲鼻,麵包蟹夠多膏,非常甘香;龍蝦肉質彈牙大件,食落惹味。

薑葱麵包蟹 $128
薑葱龍蝦 $128

還有海南撈粉,一碗有好多配料,包括豬肉絲、臘腸片、鹹酸菜、蘿蔔絲、花生、芝麻、芫荽等,食時把所有配料撈在一起,再倒入以原隻龍蝦熬煮5小時的熱湯,別有一番滋味。

海南撈粉 $45
一碗有豬肉絲、臘腸片、鹹酸菜等配料,食時把所有配料撈在一起,再倒入以龍蝦熬煮的熱湯。
老鹽桔梗冰 $15、老鹽百香果冰 $15

2. 泰饌:泰廚主理 鑊氣金邊粉

老闆兩兄妹都是泰國人,連請回來的廚師也堅持是泰國人,包保食物有泰式風味,泰式金邊粉即叫即炒,鑊氣十足,午市$30就有交易(不包海鮮),還有泰式咖哩、生菜包、串燒等地道泰菜,可以一試。

泰式炒金邊粉 $60/晚市、$30/午市(不包海鮮)
泰式雞翼 $28/3隻、泰式蝦餅$48/3件
泰式串燒 $12/串、$33/3串、$55/6串
串燒有豬肉和雞肉,食時淋上秘製花生醬,非常滋味。

3. 紀文:日本老闆 12塊日式叉燒飯+鰻魚飯

紀文由日本師傅主理,主打和風美食,飽肚的推介特盛日式叉燒飯,用日本珍珠米,飯面上並列12塊叉燒,非常足料,啱晒肉食獸,叉燒上再淋了鰻魚汁,味道香甜,送飯一流。而且性價比高,只賣$56/碗!另外也有鰻魚、滑蛋豬扒、日式咖喱飯等選擇。

特盛日式叉燒飯 $56
用日本珍珠米,鋪滿12塊叉燒,非常足料!淋上鰻魚汁, $56/碗超平。
日式鰻魚飯 $56
一碗有大半條鰻魚,肉質軟腍,伴以蛋絲,好有日式風味。

檔口內還有多款炸物列陣,成功吸引街坊的注意,炸魚丸有達8款口味,有洋葱、蒜頭和粟米等口味,最搞笑是有童星點心麵味,魚丸內有多條軟腍的麵條,非常創新。

有多款炸物列陣,包括8款口味的炸魚丸、魚糕和炸雞等。
手製炸魚丸 $20/8粒
$20有8粒不同口味的炸魚餅,有洋葱、蒜頭、童星點心麵口味等。

4. 名店車仔麵:香辣雞翼尖

車仔麵小店,餸料有近40款,有黑松露肉丸、瑞士雞翼、豬手、佐賀豬軟骨等選擇,醫肚一流。也有祖傳秘方碗仔翅,切絲幼細分明、湯底香濃,不過個人認為最吸引的是雞翼尖,$22大大碗,越食越有辣勁,記住買定杯飲品解辣。

惹味香辣雞翼尖 $22

5.燒賣王子:即包燒賣+新推餃子

幾乎每間街市的熟食檔都會見到燒賣王子的蹤影,燒賣一如往常在店內即包,常常會見到呀姐摩打手極速快包好一大籠,Size比平常街邊賣的大點,魚肉份量不少,吸引不少街坊幫襯。也在傳統的燒賣加點新嘗試,推出黑色的墨魚汁燒賣,吃下還有墨魚粒在內,好有咬口。

燒賣和餃子每日在店內包製,不時熱辣辣出爐,出爐時更會開咪廣播,一定會聽到!
黑白燒賣 $20/8粒

今次進駐將軍澳更新推即包餃子,有粟米雞肉和椰菜豬肉口味,可選煎或蒸,密密出爐,食時記住加埋辣辣菜甫。

即包餃子 $20/4隻、$35/8隻、$40/10隻

有粟米雞肉和椰菜豬肉口味,餡料足,但餃皮有點硬。

6. 手作功夫茶:黑糖珍珠鮮奶+芝士奶蓋果茶

源自台中的新晉台飲店,主打是大家熟悉的珍珠奶茶、黑糖珍奶、水果茶、芝士奶蓋等。

黑糖珍珠鮮奶 $30
芝士奶蓋芒果 $31

街市另一邊是乾、濕貨區,買餸買到餓了,可即時醫肚,非常方便。

寶琳市場

地點:將軍澳寶琳北路18號寶林市場(顯示地圖
營業時間:9am-1am
備註:街市除現金外,接受八達通、信用卡、銀聯、WeChatPay等付款方式
Fb專頁:寶林市場

最新吃喝玩樂資訊