元朗$198海鮮粥底火鍋套餐 老闆火鍋冰室 自選7款海鮮+30款配料|區區搵食
元朗$198海鮮粥底火鍋套餐 老闆火鍋冰室 自選7款海鮮+30款配料|區區搵食

元朗$198海鮮粥底火鍋套餐 老闆火鍋冰室 自選7款海鮮+30款配料|區區搵食

最近位於元朗昌盛街則新開一間充滿港式風味懷舊餐廳,店內推出新張優惠,只需$198即可嘆到海鮮粥底火鍋套餐,套餐可任選7款時令海鮮,亦可從30多款火鍋配料任選8款,食完仲可加埋粥底再煮,鮮甜綿滑,趁有秋意快啲試下啦!

撰文:Sakura、Rice 攝影:Issac

老闆火鍋冰室元朗 $198海鮮粥底火鍋套餐

元朗出名美食多籮籮,站在餐廳密集的又新街就足以令你花多眼亂,其實想食好嘢並非只有大街,到內街小巷都可以尋到寶。最近位於元朗昌盛街就新開了一間充滿懷舊港式風味餐廳,名叫老闆火鍋冰室,牆上印滿舊時代 的黑白相片、電影海報以及紅色吊燈,就 像置身於七、八十年代中。打開餐牌就見到新張優惠 $198/位海鮮粥底火鍋套餐(必須2位起),有齊7款時令海鮮、 3款蔬菜和8款火鍋配料,更不需加一服務費,非常超值!

餐廳環境充滿七、八十 年代風味,有綠色鐵窗 花、紙皮石、卡座,滿 滿老香港情懷。
餐廳環境充滿七、八十 年代風味,有綠色鐵窗花、紙皮石、卡座,滿滿老香港情懷。
最近於元朗新開一間餐廳,店內趁新張優惠推出$198海鮮粥底火鍋套餐,可任選7款時令海鮮+8款火鍋配料,當中更有爆膏青蟹、肥牛、花膠仔等配料,十分豐富。

任選7款時令海鮮 必吃爆膏青蟹

$198海鮮粥底火鍋套餐中的火鍋湯底一律以純白粥水作底,套餐包括2款指定海鮮青及沙白,其中青蟹十分新鮮,掰開已看到滿滿蟹膏,食落鮮甜肥美,啖啖嫩肉,勁正!另外客人更可自選5款時令海鮮,記者當天就選擇了海蝦、鮑魚、刀貝、象拔蚌仔和蟶子,當中海蝦大大隻,且蝦肉結實,沾上自家製XO醬更加惹味!店子的海鮮每日不同,全由大廚當天於街市購買,保證生猛新鮮。

海鮮均由大廚每日新鮮購自街市,保證新鮮,絕不留夜。
青蟹十分新鮮,掰開已看到滿滿蟹膏,食落鮮甜肥美,啖啖嫩肉,勁正!
海蝦大大隻,且蝦肉結實,沾上自家製XO醬更加惹味!

30多款火鍋配料!
雪花肥牛+花膠仔

套餐另可在多達30多款火鍋配料自選8款,包括美國雪花肥牛、自家製墨魚丸、穀飼黑豚脢肉、鹹蛋豬肉丸、養顏花膠仔等,款式可謂應有盡有,其中美國雪花肥牛,肥瘦均勻,食落牛味濃郁,入口嫩滑 ; 鹹蛋豬肉丸也值得一試,粒粒鹹蛋黃摻入豬肉,食落肉質爽口,愈食愈像鹹蛋蒸肉餅的濃縮版,鹹蛋味 很足,相當不錯!愛美的女士們就要試養顏花膠仔,膠原蛋白豐富,食落勁爽口!

美國雪花肥牛
肥瘦均勻,色澤鮮紅,牛味濃郁。
極上牛柳粒
質感柔軟,口感鬆化。
穀飼黑豚肉
肉味濃郁,軟腍美味。
養顏花膠仔
爽口脆身,滿滿骨膠原,女士們食就最啱!
鹹蛋豬肉丸
食落鹹蛋黃味足夠,好像鹹蛋蒸肉餅一樣,值得試。
蟹子墨魚釀魚肚
外皮煙韌爽口,魚肚吸盡湯汁,不錯。
自家製墨魚丸
爽口彈牙,墨魚味濃。

重頭戲到啦!海鮮粥底火鍋的精髓所在,便是海鮮的鮮味精華完全滲透入熱粥之中。品嘗完所有海鮮和火鍋配料後,店員就會送上乾瑤柱、南瓜、芋頭和粟米,加入粥底煮幾分鐘至質感軟腍後,之後店員會再額外混入粥膽再煮,並於粥面灑上豬油渣粒、菜脯粒等提升鮮味,一碗鮮甜海鮮粥就完成啦!由於湯底已盡吸海鮮和肉類的精華,食落鮮甜美味,熱粥軟滑綿密,記得留肚食多幾碗吖!

湯底已盡吸海鮮和肉類的精華,食落鮮甜美味,熱粥軟滑綿密,記得留肚食多幾碗吖!
提早2天前訂座,即送 冰糖燉雪燕一支,味道清甜又健康。
老闆押水果茶$52
超巨型!份量足夠至人飲用,充滿水果甜味,清爽鮮甜。
老闆火鍋冰室

老闆火鍋冰室

地址:元朗昌盛徑18號元通樓地下9-10號舖(顯示地圖
電話 : 2471 2238、9015 7453
營業時間:星期一至日 7am-11:30pm(火鍋於晚市時段6pm開始供應)
平均消費 : $250
備註 : $198海鮮粥底火鍋套餐需2位起 ;不設加一,只收現金

最新吃喝玩樂資訊