口在韓國 身在香港@Dining娜
口在韓國 身在香港@Dining娜

口在韓國 身在香港@Dining娜

(Presented by 炑八韓烤)

Dining娜我就最鍾意食醬油蟹,唔好以為要食醬油蟹一定要去韓國街,我今次有好介紹!今次我Book咗間喺旺角瓊華開咗無耐嘅炑八韓烤,唔好睇佢係連鎖店,佢啲Lunch Set好抵食仲有埋醬油蟹,質素都唔錯㗎!

一入去感覺好舒服!啲餐具唔會好油膩,更加唔會好大油煙味!座位仲好闊落,最怕同人背脊掂背脊!仲要不停播K-Pop,有我最愛嘅Big Bang!

FotorCreated_En.

我哋一行5人叫咗韓式炒粉絲、蔥燒牛肉飯、燒雞蛋包飯、牛肉燒烤套餐同埋要預約嘅醬油蟹!但我點估到連燒烤套餐都有埋Lunch Set!炑八除咗基本前菜外,仲有超新鮮嘅芝麻醬沙津,啲菜咬落去真係索索聲!另外,泡菜狂朋友話:「個醬油蟹好新鮮,好有蟹味,喺香港咁多間嚟講,最接近首爾海鮮市場質素Level!」

Dining娜我就最鍾意牛肉燒烤套餐,特愛佢個牛小排,脂肪同肉嘅比例啱啱好!捲埋旁邊啲芝士加粟米食,真係不得了!仲有泡菜雞蛋無限Refill!食唔停口啊!

Lunch Set仲要好平,由$38至$48到,包前菜同飲品!好抵食!蔥燒牛肉飯嚟嘅時候,有煙出,仲要Jar jar聲!
Lunch Set好平,由$38至$48,包前菜同飲品!好抵食!蔥燒牛肉飯嚟嘅時候,有煙出,仲要jar jar聲!
呢個就係特登訂嘅醬油蟹!好彩未到8月31日,仲用得切OpenRice嘅優惠價$128一隻!睇下啲蟹膏!點忍呀!
呢個就係特登訂嘅醬油蟹!好彩未到8月31日,仲用得切OpenRice嘅優惠價$128一隻!睇下啲蟹膏!記住訂喇!
Lunch 燒烤套餐!有齊4款靚牛!仲好貼心有齊三款醬料配合唔同嘅烤肉,海鮮同牛肉點海鹽就最能夠帶出鮮味,而芥辣就係五花肉同豬肉嘅好朋友,豉油係咩都啱!我Dining娜就最鐘意點豉油,惹味啲嘛!
Lunch 燒烤套餐!有齊4款靚牛!仲好貼心有齊3款醬料配合唔同嘅烤肉,海鮮同牛肉點海鹽就最能夠帶出鮮味,而芥辣就係五花肉同豬肉嘅好朋友,豉油就咩都啱!我Dining娜就最鍾意點豉油,惹味啲嘛!
靚靚夏日特飲!士多啤梨味、波羅味同柑桔味!我鐘意波羅味,特別鐘意佢有埋果肉!
靚靚夏日特飲!士多啤梨味、菠蘿味同柑桔味!我鍾意波羅味,特別鍾意佢有埋果肉!

 

炑八韓烤

地址:旺角彌敦道620-628號瓊華中心5樓(顯示地圖)

電話:2395 2730

 

最新吃喝玩樂資訊