【佐敦食乜好】本地有機健康輕食店 鬧市中的悠閒加油站
【佐敦食乜好】本地有機健康輕食店 鬧市中的悠閒加油站

【佐敦食乜好】本地有機健康輕食店 鬧市中的悠閒加油站

「食得多不如食得好」係好多香港人嘅飲食智慧!香港人出名識飲識食又嘴刁,既要求食物要色香味俱全,亦講究食材嘅新鮮度同產地,近年更加熱捧採用本地農場直送、新鮮有機蔬果、可持續生態食材嘅餐廳食店,而位於佐敦逸東酒店地下嘅「漫活堂」正好符合以上所有條件!

(Presented by漫活堂)

「漫活堂」採用落地玻璃同開放式設計,設計風格走日系純木簡潔路線,加上利用大量落地玻璃採光,為店內食客營造一份寫意悠閒感覺。喜歡熱鬧嘅你可以選擇坐喺落地玻璃前,一邊品嘗有機美食,一邊欣賞熙來嚷往嘅街景;若想保持私隱則可選坐店內多個較隱蔽嘅空間;甚至面向開放式廚房欣賞廚師們工作日常。

「漫活堂」店面採用大量落地玻璃設計,非常開揚明亮。
簡約木系陳設營造出好似屋企一樣嘅溫暖柔和感覺。

精簡新派fusion輕食

「無味精、無雞粉、無激素、有機、健康」係「漫活堂」一直堅持嘅5大食材特色!部份蔬菜會由自家本地農場直送到廚房,全日餐單亦會按季節時令不定期更新,等大家隨時都食到當季食材嘅營養精華。餐廳一隅仲設有魚菜共生系統,等大家可以邊欣賞魚樂,邊嘆健康美食 。另外,所有海鮮肉類都有外國有機或天然認證,保證品質優良且來源安全!連串認證唔單止俾到大家食安信心,亦代表一眾食材擁有出眾嘅味道同質感!

菠蘿海蝦堡配竹碳飽 $78 (附送精選沙律、健康蕎麥茶) 即點即做三文治,賣相吸引增加食慾。海蝦爽甜多肉,以多甜微酸嘅菠蘿同微辣沙律醬調味,配以本地新鮮沙律菜,再加上坊間少見、入口鬆軟嘅竹碳飽,美味一流且份量十足。
蕃茄馬蘇里拉芝士羅勒披薩 $88 (附送精選沙律、健康蕎麥茶) 雖然係純素食披薩,但自家製蕎麥手工薄脆披薩鋪上香綿嘅馬蘇里拉芝士、鮮甜嘅蕃茄同埋新鮮羅勒,營造出淡泊而細膩嘅味道同質感。
Omnipork 新豬肉醬披薩,配洋蔥、粟米、甜椒 $108 (附送精選沙律、健康蕎麥茶) 新豬肉(植物豬肉)以豌豆、非基因改造大豆、冬菇、米製成,肉味濃郁且含有豐富植物蛋白質,備受環保同素食人士推介!
黑松露忌廉什菇裙舞粉 $98 (附送精選沙律、健康蕎麥茶) 黑松露醬配以炒什菇,味道濃郁鮮香,還有裙舞粉、意粉和藜麥飯3款選擇。
“漫”煮焗薯套餐:巴拿馬火腿碎+芝士 $58 (附送精選沙律、健康蕎麥茶) 午餐或下午茶想吃得輕盈,香口惹味嘅焗薯係個唔錯嘅推介!

就算踏入秋季,Keep fit減肥依然係一眾女士們唔會鬆懈嘅目標,所以「漫活堂」早前就同本地營養師合作,設計推出咗一系列低卡有營又少鹽少油嘅營養餐,每款餐單都低過500卡路里,定期輪住推出,而且仲好好味㖭。

香煎吞拿魚紅石榴健美沙律 (>500卡路里)$118 (附送精選沙律、健康蕎麥茶) 香煎吞拿魚外脆內軟,魚味鮮甜嫩滑。配以紅石榴、迷你蕃茄、水煮蛋、粟米、沙律菜和日式醬油,打造出鹹甜酸鮮多重滋味,而且營養均衡!
保加利亞有機玫瑰花減糖雪糕(左) $32/ 杯 ,貢布胡椒雪糕 $32/杯 兩款全港獨家味道雪糕由工場新鮮製造!分別係用保加利亞有機玫瑰花焗成花水,再加入北海道牛奶製成香滑細膩嘅少甜雪糕;同埋使用柬埔寨特產,有世界排名、刺激味道嘅貢布胡椒雪糕。
店內設有大雪櫃售賣各類特色有機健康飲品,歡迎大家以自助形式選購。
開放式廚房拉近食客、廚師和員工之間嘅距離,倍添親切。
餐廳好支持本地社企同弱勢社群,特設寄賣區售賣各類NGO作品。
餐廳角落仲設有售賣架,陳列好多本地同世界各地有機及公平貿易嘅產品,等大家嘆完美食覺得好味,仲可以即時買返屋企。

漫活堂

地址:九龍佐敦彌敦道380號香港逸東酒店地下2號鋪

電話:3586 0029

網址:slowlife.hk

開放時間:星期一至日11:30-22:00 (last order:9:30pm)

最新吃喝玩樂資訊