敘福樓旗下一日關三店  主席黃傑龍:作為香港人願一同承擔
敘福樓旗下一日關三店  主席黃傑龍:作為香港人願一同承擔

敘福樓旗下一日關三店 主席黃傑龍:作為香港人願一同承擔

香港社會不穩,零售業及餐飲業首當其衝受到影響,在經營困難下,經營「牛角」及「牛涮鍋」等日式餐飲品牌的敘福樓,日前於集團網頁宣布,今日三間分店暫停營業,分別位於沙田新城市柳氏家、旺角瓊華中心及銅鑼灣世貿WTC的MMC牛涮鍋。

主席黃傑龍在個人專頁表示:「大家唔需要特別嚟支持我,去都去咗小店先。」!

撰文:Joanne 相片:新傳媒資料室、黃傑龍facebook專頁

「敘福樓」生意僅剩一、兩成

過去數個月,因受社運衝擊,零售業及餐飲業首當其衝受到影響,由於多間分店都位於社會運動的核心區,三間受影響的分店分別是位於沙田新城市柳氏家旺角瓊華中心及銅鑼灣世貿WTC的MMC牛涮鍋黃傑龍指,三家分店生意過去只屬一般,10月份生意額僅是平常的10%至20%,因此才有暫停營業的決定,但為免影響員工生計,黃傑龍表示三間餐廳的員工若願意,可調至其他店舖上班。今日(9/10) 黃傑龍更在facebook專頁為集團決定作出交代。

沙田新城市柳氏家公告

沙田新城市柳氏家公告

銅鑼灣世貿WTC的MMC牛涮鍋公告

銅鑼灣世貿WTC的MMC牛涮鍋公告

黃傑龍facebook專頁貼文全文如下:

「今日一日之內我哋暫停營業咗3.5間分店,有客人同埋朋友即刻問點解同埋關心我。其實三間分別係沙田新城市柳氏家、旺角瓊華中心及銅鑼灣世貿WTC的MMC牛涮鍋,仲有0.5間係收咗鋪未裝修嘅永華麵家現在也決定擱置了。 三間分店一向生意都只屬一般,過去呢幾個月亦係處於社會運動的核心區,踏入10月只有正常生意的10-20%,能夠頂到今天已經係同事最大的努力,奈何實在係虧損得太嚴重了。 停業唔可以怪任何人,只係我管理不佳。 中美貿易戰嚴重困擾本地經濟,港鐵經常突然提早關站,都明顯加速了問題的浮現。社會運動帶來的社會成本,我作為香港人當然願意一同承擔。

生意人做到要關門從來都係最困難嘅決定,但係面對着完全不明朗的處境,再困難的決定只要正確,都要馬上落實。 三間鋪我堅持一個同事都唔裁減,全部同事只要願意都會繼續被聘請調去其他店舖。

我會繼續懇請同哀求各大業主高抬貴手願意減租,6月至今暫時只有兩個舖業主同意減租,雖然減幅是很少(幫助極微)但係我內心都好感激佢哋,因為只講合約精神的話其實佢係一毫子都唔需要減嘅。

我唔想裁員,只要同事願意一起努力,一起面對困難的前路,我希望敘福樓集團仲會成為一間百年企業。今天香港亦有一些百年企業,100年以上即係經歷過滿清倒台、國共內戰、第二次世界大戰、六七暴動、中英前途談判、天安門事件、金融風暴海嘯地震、SARS… 既然這麼困難都有企業捱得過,正好是我們學習的榜樣。(事實上我們公司亦係捱過咗以上其中幾個難關)

我會繼續擔任公司CEO,直至同事與顧客對我嘅支持率跌破50分,絕對不會等到低過20分。懇請大家繼續指正教導 , 肯定我們將來會更加強壯, 只要今次唔死。

今天香港整個零售餐飲業都經營極度困難,所以唔係單單我面對這個困境,大家唔需要特別嚟支持我,去都去咗小店先。」

 

最新吃喝玩樂資訊