區選百人讚!Top5 手工燒賣街坊店 真正自家手包+門鱔豬肉+秘製辣油提香 |區區搵食
區選百人讚!Top5 手工燒賣街坊店 真正自家手包+門鱔豬肉+秘製辣油提香 |區區搵食

區選百人讚!Top5 手工燒賣街坊店 真正自家手包+門鱔豬肉+秘製辣油提香 |區區搵食

港式燒賣,可謂是香港人的comfort food。今次派出新假期#Zohungry小隊,走勻港九新界,為大家試食全港頭5位嘅港式燒賣,更有新假期讀者限定套餐,想知道各區有咩代表?即睇詳情!

撰文:肥龍 攝影:Issac

* 試食評語乃根據個人經驗、觀感及口味得出,以試食當日出品為準。

Top 5 手工燒賣街坊店!

港式燒賣,可謂是香港人的comfort food。不管朝早、晏晝定夜晚,總會想篤返串醫下肚,方便又好味。想食的時候總有一間在你附近,但到底邊一間才是真材實料,今次派出新假期 #Zohungry小隊,Zohungry小隊是一群愛飲愛食的foodie influencer,走勻港九新界,為大家試食全港5間人氣街坊小店區代表,逐一試食招牌港式燒賣,想知道邊間好食?即睇詳情!

燒賣
新假期#Zohungry小隊,走勻港九新界,為大家試食全港頭5位嘅魚肉燒賣!

01 | 大埔區代表
老虎岩第6座潮式粉麵咖啡

大埔街坊無人不識「老虎岩」,是近年的人氣小店。前身為樂富第6座牛雜老店,80年代結業。自小在店內幫手的老闆兒子,在銀行業打滾廿多年後,前年決定選址大埔重拾老父衣砵。開店前,更專程到茶餐廳學沖奶茶,上汕頭搜羅食材。手打魚肉燒賣是招牌,粒粒人手包製,深得街坊歡心。粉麵當然也是招牌,滷水牛雜,醇香入味;潮式羊腩,香而不羶;自家製豬油撈麵,麵身爽滑,豬油惹味。

手打魚肉燒賣王 $10/4粒

Zolar話你知

Kaka(@kakababee):魚味突出,新鮮熱辣辣,幾好食,幾特別!
Ken(@citytraveldreamer):燒賣充滿魚肉味,辣椒油好得!

 

老闆手打魚肉燒賣,質地軟糯。
新假期 ZoHungry 燒賣套餐
手打魚肉燒賣王 3粒+牛腩芝士蛋治半份+各式小樽裝汽水 +維他菊花茶(紙盒) 1包
價錢:$40
優惠期:2019年9月16日-30日
「老虎岩第6座潮式粉麵咖啡」位於大埔墟東昌街。

老虎岩第6座潮式粉麵咖啡

地址:大埔墟東昌街6-16號F舖地下及閣樓(顯示地圖
電話:2638 9933
營業時間:星期一、三、四、五 11am-8pm;星期六 9am-9pm;星期日及公眾假期 9am-7pm(星期二休息)
備註:不設加一,只收現金
Facebook專頁:老虎岩第6座潮式粉麵咖啡

02 | 筲箕灣區代表
呂仔記

筲箕灣東大街名店,門外經常現人龍。老闆本身由街邊小食檔起家,專賣椰汁、喳咋,最初名為「呂記」,後來搬入舖,生意愈做愈旺,就租下鄰舖,增加食物款式,包括車仔麵、魚肉燒賣、碗仔翅等小食。之後由其子打理,易名呂仔記。開業近廿年,其招牌燒賣,最大特點是以門鱔打成,經常接受電視、雜誌採訪,知名度極高。

自製魚肉燒賣 $28/8粒

Zolar話你知

Ken(@citytraveldreamer):呢間嘅印象好獨特,因為用鱔肉整,所以一食已經認得出係呂仔記嘅燒賣,喺第二處真係食唔到呢種感覺!
Canetti(@canettichung):食過好多次呂仔記糖水,燒賣真係第一次食,原來一樣咁出色!佢用咗黃鱔肉加少少肥豬肉去整,但肥豬肉比例好少,所以食落唔油膩,唔會有太滯嘅感覺,食完想再食!
Katie(@Katiefungpuiki):佢嘅燒賣用咗黃鱔去做,好獨特,出面應該真係食唔到。同埋我覺得佢好彈牙,層皮都好堅挺,食落好有口感。
燒賣以門鱔打成,除了魚肉,還有少少肥豬肉粒。
新假期 ZoHungry 燒賣套餐
自製鮮魚肉燒賣+鮮榨椰子汁+維他菊花茶(紙盒) 1包
價錢:$40
優惠期:2019年9月16日-30日
呂仔記位於筲箕灣大東街

呂仔記

地址:筲箕灣東大街121號A地舖(顯示地圖
電話:2885 8590
營業時間:星期一至日2pm-12mn
備註:不設加一,只收現金
Facebook專頁:呂仔記

03 | 中環區代表
老友記1947

70後的老闆娘住在PMQ附近,遍尋中上環找不到傳統港式小食,兩個月前決定親身落場,租下半山唐棲的地舖,裝修懷舊,專賣豬皮魚蛋碗仔翅之類的小食,每樣都落足心機,好似燒賣就是用木棍手打。小店得一人經營,食物賣完再煮,供應不太穩定,要有等的心理準備。

自家製燒賣 $20/3粒

Zolar話你知

Mavis(@mavis.eatstagram):呢度嘅燒賣口感比較結實啲,而且好香豬肉味,好似平時酒樓食到嘅燒賣。
Katie(@Katiefungpuiki):佢嘅燒賣用鯪魚肉溝豬肉,仲食到少少藥材味,感覺好中式。
事頭婆表示,燒賣 1/3是魚肉,2/3是豬肉,比例剛好。
新假期 ZoHungry 燒賣套餐
自家製鮮肉燒賣+碗仔翅 或 事頭婆精選靚湯 或 薏米水+維他菊花茶(紙盒) 1包
價錢:$40
優惠期:2019年9月16日-30日

老友記1947

地址:中環蘇豪華賢坊東17號地舖(顯示地圖
電話:9029 3943
營業時間:星期二至日12nn-11pm(星期一休息)
備註:不設加一,只收現金
Facebook專頁:老友記1947

04 | 屯門區代表
悅來老朱

主力做早餐、午市的小店,開業逾廿年,不設堂食。燒賣是店中名物,老闆朱先生每天3am起身將雜魚打漿,自家包製,每次少量蒸,用電子蒸籠保暖,賣完再蒸,價錢雖稍比同區的行貨貴,但一樣吸引街坊排隊購買。

自製魚肉燒賣 $12/4粒

Zolar話你知

Mavis(@mavis.eatstagram):燒賣好食,大大粒,牛肉球都好香。
Canetti(@canettichung):燒賣好大粒,有魚肉又有肥豬肉,感覺好實在,牛肉球都好香好好食,手打同即刻蒸係唔同啲!
Sophronia(@sophronia218):呢度嘅燒賣好大粒,用咗魚肉加豬肉製成,食落去幾香。但我就鍾意牛肉球多啲,咬落好紥實,同埋加咗陳皮,好香。
自家製辣油,辣得有後勁!

新假期 ZoHungry 燒賣套餐
燒賣 2粒+魚蛋 4粒+腸粉 3條+牛肉球1粒
價錢:$24
優惠期:2019年9月16日-30日
悅來老朱小食

悅來老朱小食
地址:屯門龍門居商場地下25號(顯示地圖
電話:9424 6994
營業時間:6am-2pm(賣完即止)
備註:不設加一,只收現金

05 | 元朗區代表
元朗燒賣皇后妙舒

說到元朗街頭小食老字號,元朗燒賣皇后妙舒一定榜上有名,至今已紮根元朗卅多年,現時由第二代老闆Jay接手,全店食品都堅持全手工製,而當中最大賣點就是招牌香菇豬肉燒賣。

招牌香菇豬肉燒賣 $12/5粒

Zolar話你知

Sophronia(@sophronia218):燒賣嘅皮同肉有少少分離,但唔點辣椒油嘅話食到菇味。而家佢嘅辣椒油幾香。
Kaka(@kakababee):菇味都幾出,加埋辣椒油就prefect啦!
燒賣魚肉味濃,無魚腥味,粒粒爽彈。
新假期 ZoHungry 燒賣套餐
《回到80’s-90‘s》價錢 招牌香菇豬肉燒賣 4粒+維他菊花茶 1支
價錢:$8
優惠期:2019年9月16日-30日
元朗燒賣皇后妙舒

元朗燒賣皇后妙舒
地址:元朗阜財街14號宏豐大廈地下11B及11C號舖(顯示地圖
電話:34619725
營業時間:星期一至日 10am-2am
備註:不設加一,只收現金

除咗班#Zohungry,我哋仲搵咗40個 influence(Zolar)為大家試食,遊走港九新界為大家帶來實測食評, 如果你都有興趣試食以上5間燒賣小店,就可以認住呢啲 poster,跟我哋班#Zohungry小隊搵食就最啱啦!鍾意喺 ig 打卡開心share嘅你,食完套餐都可以放上ig,有興趣可以直接入以下的Hashtag,睇我哋班#Zolar 嘅真實食評!

#新假期 #區區搵食#區選百人讚 #ZoHungry #Zolarx區區搵食燒賣

40個Zolar為大家試食燒賣!

吃貨揮手區 自問喜歡分享好西的你!加入Zolar分享生活體驗,可享餐廳試食/折扣、 曝光機會、廣告合作、培訓交流!立即報名按此

最新吃喝玩樂資訊