好時沙嗲
好時沙嗲

尖沙咀必食正宗新加坡地道菜 超過30年老店好時沙嗲

飲食

廣告

講起尖沙咀搵食,點少得字號老嘅好時沙嗲呢?如果你未聽過,只可講句︰少年,你太年輕了!不過好食嘅嘢無分年齡層,屹立尖沙咀好時中心超過30多年嘅好時沙嗲,可以話係一眾食客嘅集體回憶!當中必食正宗新加坡地道菜式,試過一定愛上!

正宗新加坡地道風味︰好時沙嗲

呢間經典老店好時沙嗲可以話係香港星馬菜始祖!多年嚟主打多款新加坡地道菜式,無論材料及醬汁都係每日新鮮炮製,味道正宗、無添加、平實價錢,再加上餐廳經過全新裝修後座位更寬敞舒適,日日都吸引眾多新舊客嚟到品嘗,尤其食飯時段更加大排長龍。

必點!特嫩海南雞飯

人氣咁高企,當然係有原因,就係回點率最高嘅「海南雞飯」。肉質細嫩嘅三黃雞每朝新鮮來貨,再用獨有浸雞嘅方法,先可以令到雞肉特別嫩滑!而家好多餐廳都只用普通白飯,但好時沙嗲依然堅持原味道,配雞油飯夠晒香,再加一碗椰菜清雞湯,在港已歎到正宗海南雞飯風味!

好時沙嗲
「海南雞飯」雞肉無骨啖啖嫩滑,油飯又夠香,再配搭每日新鮮自製嘅無添加醬料(薑蔥、酸辣醬、甜豉油),Yummy!(HK$55)

另一人氣之選︰喇沙

新加坡地道菜又點少得「喇沙」呢?「喇沙」最重要係湯底,好時沙嗲由10多種材料炮製,味道十分有層次,而辣度適中非常易入口,加上米粉軟硬度剛剛好,配料有豆卜、鮮蝦、白魚蛋等,勁足料,的確令人回味無窮!

「喇沙」湯底香氣逼人,聞到已經吞晒口水,嚟好時沙嗲一定要食呀!(HK)
「喇沙」湯底香氣逼人,聞到已經吞晒口水,嚟好時沙嗲一定要食呀!(HK$51)

新加坡地道風味惹味小食

想點一啲小食,推介「星洲炒蘿蔔糕」同埋「沙嗲串燒」,真係超惹味!兩款都係食客必點之選。「星洲炒蘿蔔糕」嘅蘿蔔糕係師傅每日新鮮製造,入口外脆內綿,叫人食到唔停口!而「沙嗲串燒」有雞、牛、豬任君選擇,師傅會用無煙燒烤爐燒製,肉質嫩滑唔韌,配埋自家製醬汁花生味勁濃,好食到不得了!

「星洲炒蘿蔔糕」份量十足,味道一點點辣味,即使唔太食辣都可以一試!(HK)
「星洲炒蘿蔔糕」份量十足,味道一點點辣味,即使唔太食辣都可以一試!(HK$61)
即點即燒,香嫩肉串加極濃花生味醬汁,簡直完美配搭!(HK/ 半打)
即點即燒,香嫩肉串加極濃花生味醬汁,簡直完美配搭!(HK$51/ 半打)
炒過嘅花生以攪拌機中慢速度攪碎成半碎粗粒,口感香脆,再與十多種香料煮成濃醬,足見師傅對食物品質嘅堅持同心機!
炒過嘅花生以攪拌機中慢速度攪碎成半碎粗粒,口感香脆,再與十多種香料煮成濃醬,足見師傅對食物品質嘅堅持同心機!

爽口彈牙「粉絲蝦煲」

愛好海鮮嘅朋友記得試埋「粉絲蝦煲」啦!嚴選馬來西亞海蝦 - 虎蝦,大大隻,啖啖蝦肉夠彈牙,而湯底經過長時間熬製,粉絲將精華吸收晒,鮮味濃郁,衝擊味蕾,簡直一試難忘!

蝦肉夠彈牙爽口,粉絲吸收蝦湯精華,保證啖啖鮮味!(HK3)
蝦肉夠彈牙爽口,粉絲吸收蝦湯精華,保證啖啖鮮味!(HK$103)

款款菜式都落足心機,唔怪得咁好味啦,而家提起都吞晒口水!仲有,凡惠顧滿HK$200出示此Facebook post: www.facebook.com/weekendweeklyjetso/posts/2331714386956312,仲送價值HK$38嘅香辣銀魚仔花生一份(優惠期到2019年12月31日止),勁惹味,佐酒最啱!

唔好講咁多,嚟緊嘅朋友眾會,就約埋佢哋一起去尖沙咀,歎返餐正宗新加坡地道菜啦!

辣味、銀魚仔加花生呢個配搭非常香口,絕對係佐酒最佳拍檔!
辣味、銀魚仔加花生呢個配搭非常香口,絕對係佐酒最佳拍檔!

好時沙嗲

地址:尖沙咀麼地道63號好時中心144-148號舖(顯示地圖
電話:27399808
營業時間:星期一至日 11am-10pm
備註:收加一,收現金及支付寶