【中環食乜好】東京人氣海鮮居酒屋 多款招牌菜配啤酒 必食酒香烤牛肋骨配一夜干
【中環食乜好】東京人氣海鮮居酒屋 多款招牌菜配啤酒 必食酒香烤牛肋骨配一夜干

【中環食乜好】東京人氣海鮮居酒屋 多款招牌菜配啤酒 必食酒香烤牛肋骨配一夜干

(Presented by Suntory)

去中環最開心嘅就梗係同班friend一齊飲下酒,食下嘢!位於中環充滿日本風味嘅東京人氣海鮮居酒屋「魚治」UOHARU,一直秉持日本總店「簡單就是美」嘅精神,以最基本嘅烹調方法製作食材,令最原始嘅鮮味凸顯。UOHARU一直主打爐端燒,食客即場挑選當日最新鮮嘅時令食材,大廚師即刻喺席前炮製,菜單更會因應每天唔同食材供應而改變,確保每位食客都享用到最滋味嘅食物。居酒屋就一定唔少得飲下酒,一於睇下邊幾款招牌菜最啱用嚟佐酒先!

酒香烤牛肋骨

居酒屋
牛肋骨以60度慢煮180分鐘,牛肋骨表面微焦,油脂豐富肉味濃厚,仲食到淡淡酒香,牛魔王見到最開心!

伴助花魚一夜干

居酒屋
唔係度度食到嘅一夜干,係呢處嘅招牌菜之一,只用鹽同埋專用調味醬料醃好,大廚喺爐端燒吧即席烹調,外皮鬆脆,入面魚肉彈牙鮮甜。

白汁烤焗海膽三文魚子

居酒屋
做法和芝士通心粉相似,但就鋪上海膽同埋三文魚子一齊焗熟,海膽夠鮮甜,最愛鐵板邊位焗到微焦嘅脆芝士,芝士香濃又鮮味!

佐酒必配厚切牛舌

居酒屋
去居酒屋必點,只用鹽簡單調味,牛舌鮮嫩多汁,肉味濃厚,層次豐富,十分適合配搭啤酒。

楓糖忌廉芝士拌薄脆

咪睇佢平平無奇幾塊薄脆,其實佢以法國鮮忌廉、北海道3.6牛乳、日本同埋澳洲芝士等製成,口感輕香甜滑仲帶有微微酥香,放喺薄脆上一齊食卜卜脆,用嚟送啤酒一流,真係食唔停口呀!
咪睇佢平平無奇幾塊薄脆,其實佢以法國鮮忌廉、北海道3.6牛乳、日本同埋澳洲芝士等製成,口感輕香甜滑仲帶有微微酥香,放喺薄脆上一齊食卜卜脆,用嚟送啤酒一流,真係食唔停口呀!
去日式居酒屋又點少得飲日本著名飲品品牌Suntory旗下嘅啤酒The Premium Malt’s,出名係酒泡綿密又幼滑,酒香夠醇而且入口香氣有層次感,仲帶有少少花香味,尤其係用嚟配襯肉類、日式串燒、燒物等,更可以去油解膩,所以特別爽!
店內特設開放式爐端燒吧枱、魚生吧同埋餐飲吧,室內環境舒適,裝潢以原始材料為主,例如磚牆、水泥地面、再生木材製作嘅木枱等,有濃濃嘅日本風。

魚治 Uoharu

地址:中環威靈頓街 2-8 號M88 威靈頓廣場 7/F

電話:2217 8880

營業時間:11:30am-2:30pm;6pm-11:30pm

最新吃喝玩樂資訊