【荃灣食乜好】港人口味川菜店 正宗巴蜀烤魚 有辣有唔辣
【荃灣食乜好】港人口味川菜店 正宗巴蜀烤魚 有辣有唔辣

【荃灣食乜好】港人口味川菜店 正宗巴蜀烤魚 有辣有唔辣

Photo:Fion

(presented by八一蕃)

如果你係鍾意食魚又喜歡食辣嘅話,相信對惹味刺激嘅川式烤魚一定會一整條魚成盤上,加埋唔同款式嘅煮魚湯底,真係又愛又恨,既愛食嘅時候嘅刺激感,又恨自己每次食到頭皮發麻,成身大汗嗰種滿足感!位於荃灣和太子嘅八一蕃主打正宗巴蜀烤魚,仲有7款畀你揀,包括:鮮茄味、豆豉味、酸菜味、麻辣、剁椒、泡椒、香辣味烤魚,有辣有唔辣,啱晒香港人口味,如果自認係食魚嘅貓,梗有一款啱你胃口!

唔使北上都食到原條烤魚

烤魚主要選用草鯇魚,除咗因為啖啖肉,而且肉汁多夠鮮味,如果喜歡食較少魚骨嘅話,另外仲設有魽魚同埋多寶魚等畀客人揀𠻹!而烤魚主要靠魚湯同紅油,每間烤魚店味道都會唔同,係區別每間店嘅特色,魚湯每日新鮮熬製,每條烤魚都會用魚湯煨煮,就連加湯打邊爐都會加魚湯,咁就唔會沖淡味道。

巴蜀烤魚
麻辣味烤魚係店內人氣首選!紅油係川菜嘅靈魂,亦係做辣嘅靈魂,所以紅油都係用上十幾款藥材自家秘製。結合四川、湖南、貴州三地傳統做辣技術,直接於當地取材煉製自家紅油,辣味夠豐富同埋有層次,再以每日新鮮熬製嘅魚湯帶出烤魚嘅鮮味。
巴蜀烤魚
豆豉味烤魚係愛重口味嘅你必食之選,豆豉味香濃,加埋粒粒蒜頭,一邊用爐溫熱一邊食,湯底滲晒入魚肉,就最有風味!
巴蜀烤魚
不愛食辣亦有其他選擇,鮮茄味烤魚亦都係想貼近香港人口味而推出,茄味夠甜夠濃,酸酸甜甜夠晒開胃!
巴蜀烤魚
另一款唔食辣嘅選擇就係酸菜味烤魚,酸菜結合四川同埋潮汕嘅特色製法,清香嘅酸菜味中帶出淡淡四川風味,適合微酸小辣嘅食法,唔好唔記得叫碗白飯陪襯,添多幾碗都得!
巴蜀烤魚
除咗烤魚,鮑魚雞煲都係招牌菜,以客家傳統方法製作,用雲腿瑤柱、排骨、雞件等熬製上湯,再配自家研發嘅醬料烹煮鮑魚同埋走地清遠雞,鮑魚夠彈牙,雞味濃而肉質結實嫩滑,有鹹香嘅味道,更有淡淡海產嘅鮮味。
店內仲有人氣小食,雞肉串燒、白鱔串燒、燒牛舌製作都好認真,係成隻雞買返嚟自己起肉,堅持唔用急凍雞,而牛舌淨係用最爽嘅中間部份,每條牛舌嚟貨約一斤重,老闆會將佢起到大約淨三両先俾客人食。
店內仲有人氣小食,雞肉串燒、白鱔串燒、燒牛舌,製作都好認真,係成隻雞買返嚟自己起肉,堅持唔用急凍雞,而牛舌淨係用最爽嘅中間部分,每條牛舌嚟貨約一斤重,老闆會將佢起到大約剩三両先畀客人食。

八一蕃巴蜀烤魚店

荃灣總店

地址:鱟地坊 48-68 號祐建樓地下 D 舖

營業時間:11am-12:30am

訂座電話:3568 5495

 

荃灣分店

地址:鱟地坊56號祐建樓地下E舖

營業時間:11am-12:30am

訂座電話:3996 8948/3568 5495

 

太子分店

地址:太子砵蘭街 436 號地舖

營業時間:12nn -12mn

訂座電話:2628 6316

最新吃喝玩樂資訊