尖沙咀無煙燒肉店 即切即煎勁厚牛扒+自助啤酒機
尖沙咀無煙燒肉店 即切即煎勁厚牛扒+自助啤酒機

尖沙咀無煙燒肉店 即切即煎勁厚牛扒+自助啤酒機

(Presented by Suntory)

Photo by : Tung

如果你係牛魔王就一定要留意啦!混合咗日、韓兩地燒肉傳統食法嘅日韓燒肉店牛魔Yakiniku More,主打多款唔同牛部位燒肉,加埋用水果特製而成嘅醬料,例如香梨、奇異果等,令肉質更加鮮嫩,食落仲唔會覺得「漏」。而最吸引係店內引入全港第一張同時擁有自助啤酒機同埋無煙地下抽氣嘅燒烤枱,食完唔會成身燒肉味之餘,仲可以自斟自飲日本進口啤酒Suntory Premium Malt’s。

厚過$1蚊 美國prime grade 45日熟成牛

啤酒 啤酒

由美國直送嘅dry ager熟成牛肉,厚度十足!進行乾式熟成程序45日,喺熟成室將肉塊嘅水分風乾脫水,利用牛肉本身嘅天然酵素及微生物作用,分解膠原組織及肌肉纖維,令牛肉嘅嫩度、風味同埋肉汁大大提升,食落啖啖肉汁,送埋真係爽到爆!

超fresh海底奇兵

啤酒

用上新鮮日本海膽同埋帶子,海膽入口即溶,加上店內嘅秘製醬汁,酸酸甜甜, 清新又開胃,做前菜或者中間當清口菜都唔錯

A4和牛牛肩肉配蘋果條

用上A4和牛牛肩肉,薄切更令脂肪好快就溶化,做到入口即化嘅味蕾享受,烤成後加上蘋果條清甜又去膩,甘香油脂同爽甜蘋果條帶出雙重口感,十分驚喜!靜靜話你知,餐廳仲有秘密餐牌,好似日本料理嘅廚師發辦一樣,由廚師決定客人嘅和牛種類,配埋酒香濃郁嘅日本啤酒,就好似身處喺日本咁呀!

即燒特選美國龍蝦尾

有手掌咁大嘅龍蝦,每日由美國新鮮運到,啖啖龍蝦肉,好爽又彈牙,口感非常鮮甜!

平時飲啤酒都係飲完一杯叫一杯,呢度就特別引入日本著名飲品品牌Suntory旗下嘅啤酒The Premium Malt’s,啤酒賣點係綿密幼滑嘅酒泡,酒泡可以阻隔啤酒與空氣直接接觸,鎖住酒香,防止氧化,保持碳酸口感。入口有多重香氣,由啤酒倒入杯中嗰刻香氣撲鼻,入口即能感受到濃郁嘅口感同埋細綿泡沫,加埋自己斟就寧舍好飲!

而家「牛魔」仲推出優惠,包括:逢星期日至星期四,使用自助啤酒機自己斟啤酒可享有啤酒8折,而訂枱仲每人送杯裝Yogurt一個𠻹!

牛魔
地址:尖沙咀棉登徑8號地下5-6號舖
電話: 2750 8800

營業時間:12:00nn- 00:00am

最新吃喝玩樂資訊