九巴車站設「新裝置」 網民質疑:超級無用!
九巴車站設「新裝置」 網民質疑:超級無用!

九巴車站設「新裝置」 網民質疑:超級無用!

搭巴士落車要襟鐘就大家都知,但等車要襟鐘,大家又有無見過?最近有網民發現在畢架山花園的九巴巴士站,出現一個特別又陌生的裝置,外表就像一個門鐘,上方貼有一張寫上「候車請按掣」的貼紙,網民就爭相議論,到底呢個裝置到底用途係乜?

撰文:GW|來源:KMB、[email protected]香港交通突發報料區

事緣網民在畢架山花園的九巴巴士站發現一個奇怪「候車」新裝置,並寫著「候車請按掣」,新裝置外表就像普通家用門鐘的按鈕。只見巴士站頂部有一盞紅色燈,類似巴士車廂內的紅色落車燈。

九巴
奇怪「候車」新裝置

九巴回覆傳媒查詢時表示,這是一項現正進行的試驗計劃,擬於個別的車站設置「提示燈」,輔助乘客在光線不佳的情況下候車,裝置亦在調整階段。若試驗成功,乘客除了向巴士揚手示意之外,就能利用提示燈提示巴士進站。

九巴
巴士站頂部有一盞紅色燈

照片被貼上Facebook群組香港交通突發報料區後被熱議,網民普遍認為新裝置作用不大,「同一個站有咁多條線,我襟掣司機邊知我搭邊條?唔通一條線一盞燈咩!」、網民亦質疑「如果唔記得襟掣,司機係咪就可以大條道理唔埋站?」,紛紛表示「睇落就已經無咩用,實際上就應該更無用。」亦建議不如整多部風扇好過,等車時無咁熱。

九巴
九巴為超過600個鄉郊巴士站上蓋陸續安裝太陽能板,提供照明及滅蚊系統。
九巴
網民認為新裝置無咩用(示意圖)
九巴
網民認為不如加風扇仲有用(示意圖)

最新吃喝玩樂資訊