對眼又痕又乾仲甩眼睫毛　OL去檢查竟發現生蟎蟲

撰文：SY｜資料來源：荔枝視頻

喺內地湖北省武漢市，有一位32歲嘅OL劉小姐，佢喺近半年，發現自己眼睛經常痕癢、乾澀，仲發現自己嘅眼睫毛經常脫落。劉小姐就走去睇醫生，醫生幫佢檢查時發現，劉小姐眼睫毛上生滿蟎蟲，包括睫毛的根部同瞼板腺嘅開口。透過顯微鏡，會見到嗰堆蟎蟲仲識蠕動，真係認真可怕。

劉小姐睇完個螢幕，都嚇呆咗，自己嘅眼睛竟然生滿蟲，「當時檢查的時候，醫生說我眼睛裡面有蟎蟲，有好幾條。」而當地嘅專科主任吳尚操話：「經過檢查，她確診為蟎蟲性瞼緣炎。」佢認為，患者因為工作需要，經常要化妝。有時卸妝不乾淨、壓力較大，蟎蟲嘅數量就會比較多。蟎蟲好鍾意寄生喺人體嘅睫毛同皮膚上，輕度會造成眼乾眼紅、眼睛發癢、眼部分泌物增多、睫毛反復脫落等。

而劉小姐經過治療後，目前情況良好。吳主任話，嚴重可導致不同程度嘅眼部疾病。夏天令蟎蟲活動活躍，而抵抗力較差嘅中老年人、患腫瘤患者、吸煙人士、鍾意化妝嘅人都要小心。平時要做好個人清潔，唔好長時間用電子產品。

https://www.facebook.com/698132263571269/videos/1182223888639612/?epa=SEARCH_BOX