【粉嶺食乜好】它來自澳門  逾半世紀懷舊糖水店   忘不了的滋味
【粉嶺食乜好】它來自澳門  逾半世紀懷舊糖水店   忘不了的滋味

【粉嶺食乜好】它來自澳門 逾半世紀懷舊糖水店 忘不了的滋味

(Presented by 杏香園)

 

香港人鍾意過澳門瓹窿瓹罅尋找隱世地道美食,而始於1965年嘅澳門糖水老字號「杏香園」,多年來以懷舊地道、真材實料、講究工夫嘅粵式糖水聞名。近年品牌更加進駐香港各區,等大家唔使過大海都可以品嘗到澳門人、遊客同各路名人,食過都讚好嘅民間美食。

 

 

鎮店招牌糖水三部曲

今次就介紹粉嶺分店,逐款試下佢哋嘅招牌糖水:蛋白杏仁湯圓、蓮子白果馬蹄沙、椰汁杏仁合桃糊,同埋大大隻裹蒸粽啦!「杏香園」每款糖水都堅持唔加工,並且每個步驟都以全人手製作,等客人食出傳統糖水特有嘅甜美同溫暖。

 

「蛋白杏仁湯圓」每日生磨杏仁成粉後,加入糖水、米漿煮滾後再落蛋白,質地濃稠得嚟又幼滑順喉,入口有濃郁杏仁香,加上蛋白營造出多重口感。白芝麻湯圓更係每日自家包製,高峰期可日售1,500粒,推介必試!

 

「蓮子白果馬蹄沙」喺香港好少有機會食到馬蹄沙!每日將新鮮馬蹄攪碎後加入粟粉開漿落糖,再放入白果同蓮子煲煮5小時,成為一碗味道清甜爽彈,口感介乎啫喱同糊之間,又清熱解毒嘅養顏甜品,強勢推介!

 

「椰汁杏仁合桃糊」選用優質黃金合桃同去衣杏仁粒,分別攪碎煮成厚稠糊狀,果仁味十分濃郁,最後仲灑上椰汁增甜提香,加上杏仁清潤養顏、合桃健腦補腎,真係任何年紀都啱食呀!

 

「蓮子百合紅豆沙」 每日人手鮮磨紅豆,再煲煮4小時營造起沙口感。成碗紅豆沙散發出甘甜紅豆香,而且蘊含鐵質同多種維生素,加入清潤嘅蓮子和百合,最啱愛美又追求健康嘅女士們食用。

 

「桂花蓮子百合桃膠」選用新鮮桂花、蓮子、百合、桃膠,一齊煲製長達10小時。清甜滋潤又營養價值高,都係我哋試食專員其中一款心水推介,就算食多兩碗都無問題!

 

除咗有傳統糖水外,呢度仲有唔少創意甜品同輕怡簡餐。傳統糖水有椰汁龍眼馬蹄沙、椰汁西米喳咋、夏威夷木瓜雪耳同腐竹雞蛋糖水等。創意甜品包括呂宋芒果班戟、椰汁西米龍眼雪糕同芒果雪耳等,多達六十幾種款式。

 

「瑤柱金腿雙蛋裹蒸粽」係店內另一鎮店招牌,唔單止用料豐富、選材矜貴,遇啱肚餓或者三五知己,記得叫返份嚟開心Share呀!

 

品牌為打開追求健康人士市場,近期更特別加入超級食物羽衣甘藍(2個品種),製作「羽衣甘藍手撕雞沙律」、「羽衣甘藍菜汁」 同「羽衣甘藍菜肉餃」 等高纖、高營、低卡嘅輕怡美食。

 

粉嶺店裝潢風格和澳門總店同出一轍,懷舊得嚟又有人情味。

 

聞名不如試味,一於約埋另一半、屋企人同老友,嚟粉嶺「杏香園」逐一品嘗啦!

 

杏香園(粉嶺店)

地址:粉嶺聯和墟聯興街31號地下

電話:2602 3456

營業時間 :11am-12am

旺角​、​太古​、​九龍城​均有分店

最新吃喝玩樂資訊