日本
日本

日本玩珍珠玩到「走火入魔」 網民:唔好試呀,好危險

熱話

廣告

珍珠奶茶台灣傳到日本之外,喺當地爆紅。日本出現咗唔少珍珠相關嘅產品,例如珍珠奶茶飯、珍珠沾麵等,真係聽到都覺得誇張。最近日本嘅年輕人真係玩到冇嘢玩,竟然挑戰「珍珠塞鼻」。各位,真係唔好學,好危險呀!

撰文:SY|資料來源:Twitter

日本人對珍珠奶茶嘅狂熱,真係可以用「走火入魔」形容。佢哋推出咗唔少食品都同珍珠有關,除咗甜品,佢哋仲會將珍珠用喺主食當中,唔知好唔好食呢?最近日本年輕一族喺Twitter發起「珍珠塞鼻challenge」,即係將珍珠奶茶內嘅珍珠塞入鼻孔,唔跌出嚟,就算成功。

好多日本年輕人都挑戰「珍珠塞鼻challenge」,仲放咗自己表情趣怪嘅自拍放上網。但有網民指,「珍珠塞鼻challenge」真係好噁心,點解會拎食物嚟玩,仲有人問「玩完會唔會食返落肚」。但其實呢個「珍珠塞鼻challenge」有一定風險,如果唔小心吸入咗少少,就大鑊啦,所以大家唔好試呀。