神豬
神豬

客家習俗|強迫灌食令神豬增至600公斤 公開飼養及屠宰過程

台灣

廣告

好多傳統習俗都值得保留,但對於以下呢個神豬活動就有所保留啦!屬於客家文化嘅神豬重量比賽,就畀人批評對豬隻極度殘忍,應該要廢除習俗。

撰文:KM | 圖片來源:動物社會研究會、We Animal

神豬重量比賽極度殘忍

神豬常見於客家地區嘅義民節慶典,民眾會將大型豬隻屠宰後用作供奉神明。喺農家信徒飼養神豬過程中,會用各種唔人道嘅方法,強迫灌食神豬,增加佢哋嘅體重而奪獎。

參加比賽嘅神豬需飼養兩至三年,其間不斷被人強迫灌食,令體重增至600公斤以上。由於神豬過重,佢哋冇辦法站立、轉身同移動,需要用鐵架或木架支撐身體。呢種長期性嘅壓迫,令到神豬容易受傷同疼痛。

神豬手腳被綁,民眾將佢拖入鐵籠磅重後,就當眾屠宰。過程中神豬被人活生生用刀割喉、挖出內臟同割肉,過程相當殘忍。

有動物保護團體同民眾認為,神豬活動對豬隻非常殘忍,飼養同屠殺過程都令豬隻相當痛苦,唔應該因為宗教習俗就虐待動物。