「Jacky仔」王樹熹復出幕前 大台新劇《她她她的少女時代》驚喜現身
「Jacky仔」王樹熹復出幕前 大台新劇《她她她的少女時代》驚喜現身

「Jacky仔」王樹熹復出幕前 大台新劇《她她她的少女時代》驚喜現身

童星「Jacky仔」王樹熹已淡出幕前幾年,現正就讀大學的他,於昨晚首播的大台新劇《她她她的少女時代》驚喜現身,原來Jacky仔已經正式復出幕前喇!

撰文:Joanne 圖片:TVBYouTube王樹熹IG

Jacky仔現身《她她她的少女時代》 正式復出幕前

5歲就開始拍廣告、拍電視劇的Jacky仔個最為人熟悉的,就是2005年大台劇集《翻新大少》入面「Jacky仔」一角,這個角色名後來更成為了他的英文名字;還有同是2005年的香港迪士尼樂園開幕宣傳片,他唱著「去迪士尼做足準備」的聲音言猶在耳,轉眼間,Jacky仔已經20歲,現於城市大學修讀媒體與傳播系。

《翻新大少》劇照
香港迪士尼樂園開幕宣傳片 截圖

小學五年級後,Jacky仔為了學業暫停了幕前演出,闊別多年,對演戲興趣依然濃厚的Jacky仔於今年重返大台,首部演出的劇集為昨晚首播的 《她她她的少女時代》,正式復出!在劇中,Jacky仔和區明妙分別飾演男女主角曹永廉和田蕊妮的少年版,於第一集已經出場!


Jacky仔飾演的張智強與區明妙飾演的方迎風是中學師兄妹,因一次方迎風替被欺負的張智強出頭而結緣,後來成為一對,合力替方迎風已離世的姊姊養大女兒。

客串主持 學配音 鋪路重返娛樂圈

雖然Jacky仔現時還是大學生,不過課餘拍劇之餘,間中亦有出席商業活動,還有為香港電台節目《聚珍手作》擔任嘉賓主持,又曾跟配音界前輩丁羽實習,更曾為Viu TV播放的動畫《超變戰陀》配音,早已為重返娛樂圈鋪路。

除了Jacky仔,大家還他的哥哥Jeffrey王秉熹嗎?

【童星兄弟】「大喊十」浸大畢業 王秉熹奪全球大學電影獎

【童星兄弟】要數童星界嘅代表人物,一定唔少得王秉熹(Jeffrey)同王樹熹(Jacky仔)兩兄弟,佢哋而家已經分別23歲同20歲,大個仔喇!雖然冇拍戲一段時候,但係兩兄弟對影視嘅興趣,更加由幕前延展到幕後,Jacky仔而家喺城大讀緊媒體與傳播,而哥哥Jeffrey,就啱啱喺浸大電影系畢業,導演作品仲要攞咗個「全球大學電影獎 」添呀!

撰文:Joanne 圖片:新傳媒資料室、Jacky仔ig、劇照

兩兄弟各有各叻

Jeffrey同Jacky仔感情好好!哥哥畢業,細佬點會唔撐場!

23歲嘅Jeffrey,雖然大個咗,但係仲搵得番細個嗰個樣。反而Jacky仔,就高咗瘦咗,以前嗰種童稚消失哂!

「全球大學電影獎 」一直被視為促進香港及大中華區內專業人士、學者及學生融合的盛事。Jeffrey係今屆唯一得獎嘅香港學生,相信呢個獎項可以令佢更有信心追尋自己嘅導演夢!

王秉熹

中學讀喇沙 靠《哈利波特》學好英文

中學時就讀喇沙書院嘅Jeffrey,原來當初升讀名校之初,都遇過挫折。王媽媽喺專訪中表示︰「哥哥考喇沙,係因為當時佢讀嗰間小學認為佢得,建議佢試吓,結果得咗。最初,佢英文程度一定唔夠人哋叻,中文就冇問題,咁啱嗰陣流行《哈利波特》,佢好沉迷,中文小說版每日可以睇七十幾頁,相反英文習作就睇得十幾版。我好嬲,撕爛晒佢七本書,佢好傷心喺度喊。同佢講,如果你想睇,我會買番七本英文版俾你睇,送埋本字典俾你查。因為佢追緊結局,焗住要睇英文版,逐粒字查字典,我仲叫佢,見到啲覺得有用嘅句子就抄低。結果,三個月之內,佢英文成績跳升至全班第一。」王媽媽當初嘅狠下心腸,就造就咗兩兄弟嘅好成績喇!

Jeffrey喺《宮心計》中飾演杞王,係幫陳豪重掌朝政嘅關鍵人物。

令人印象深刻嘅,一定唔少得《十兄弟》裡面嘅「大喊十」啦!

09年嘅《大冬瓜》,就係Jeffrey告別童星年代嘅演出喇!

Jacky仔因升中淡出

小五嗰年,Jacky喺螢幕上突然失蹤,原來一切都係王媽媽嘅計劃。為咗要Jacky仔專心為升讀中學作好準備,所以刻意斷絕Jacky仔所有工作,最終Jacky仔都不負所望,考入第一志願中學。

王媽媽話,Jacky仔細個時,補習、興趣班,乜都冇!興趣就係拍戲,所以王媽媽同兩兄弟講:「如果你哋鍾意拍戲,一定要早啲溫習課本,做好準備,就算測驗、考試,佢哋都會照樣拍戲,冇問題,因為一早已溫晒書。況且佢哋對自己要求都好高,成績少過九十分都覺得差。Jacky仔由一至六年級都係優異生,哥哥喺五、六年級嗰陣,仲係全級第一名,從來都唔需要學其他嘢惡補。」

而家喺城市大學讀媒體與傳播系嘅Jacky仔,依然好鍾意做戲,仲希望畢業之後可以做番「本行」!

入到大學,Jacky仔讀書成續依然好好,GPA 有3.6,仲想以交換生身份去美國或者英國,學多啲嘢!

07年同歐陽振華拍《爸爸閉翳》,佢叫Jimmy仔。

09年同苗喬偉、袁詠儀拍《疑情別戀》。

Jacky仔仲同肥姐同台合作過㗎!

最新吃喝玩樂資訊