林秀怡疑似得罪大台 傳被雪藏急撲水養病母
林秀怡疑似得罪大台 傳被雪藏急撲水養病母

林秀怡疑似得罪大台 傳被雪藏急撲水養病母

早前憑劇集婚姻合伙人》成功入屋的林秀怡,傳出因為在IG對社會事件表態,突遭TVB雪藏,孭起成頭家的她,更要為病母支付醫藥費,為免手停口停,唯有頻頻落舖,為有份投資的餐廳做生招牌,撲水養家。
撰文:Be|圖片:林秀怡IG

傳林秀怡對社會事件表態得罪大台 疑似被雪藏

現年27歲的林秀怡,中學畢業後經TVB藝員訓練班入行,耕耘10年,終於憑劇集《婚姻合伙人》施嘉露一角彈起,她在劇中與陸永在浴缸肉搏的場面,一度成為網民熱話,「搏到盡」的演出備受觀眾讚賞,上位在望,不過自6月以來﹐林秀怡多次就社會議題疑似暗中表態,而被TVB「雪藏」,主持了6年的音樂節目《樂勢力》忽然被out、又不用出席新劇集《十二傳說》的宣傳活動。


林秀怡於7月14日在IG貼上一張黑白照,留言表示不用出現在新劇《十二傳說》的宣傳活動。
林秀怡在7月25日貼出一張黑白照,留下心碎的emoji。

林秀怡落舖做餐廳生招牌 侍應收銀清潔一腳踢

無Job並非一身輕,單親家庭長大嘅林秀怡,多年來一直肩負起養家的責任,更不幸的是其母近年患上癌症,醫藥開支寵大,幕前演出被禁,林秀怡唯有日日在她有投資的日本餐廳做生招牌,希望做多一點生意,最近有媒體拍到,林秀怡經常在店舖「打躉」,於繁忙時間化身為食客落單、傳菜、收銀、掃垃圾,非常落力!收工後,林秀怡更化身慳家「C9」,拿著環保袋到街市買餸,回家煮飯,生活十分貼地。

一向關心社會的林秀怡,於6月時曾提醒網民登記做選民。
林秀怡於6月時曾在IG post了兩張全黑照片,被指是政治表態。
林秀怡於6月時曾在IG post了兩張全黑照片,被指是政治表態。
林秀怡疑似政治表態後,除了被迫停工,亦被網民滋擾,寫下對其病母不友善的留言。

林秀怡一向是孝順女,早前為照顧病母更花盡40萬積蓄:

【婚姻合伙人】17歲入行孭起頭家!林秀怡花盡40萬積蓄救患癌母

做藝人一樣,一日未彈起,一日都要捱!好似喺無綫劇《婚姻合伙人》中飾演施嘉露嘅林秀怡咁,17歲就入行擔起頭家,最近有指林媽媽喺年頭驗出患癌,呢位孝順女仲要撈多幾份嚟慳錢養家,幸好林媽媽康復過來,林秀怡總算放下心頭大石,而她近年演出機會也愈來愈多,上位在望!

撰文:東方新地 | 圖片:新傳媒圖片、電視截圖、劇照、林秀怡IG

林秀怡《婚姻合伙人》有份演出

入行11年的林秀怡在無綫劇《婚姻合伙人》中飾演施嘉露,同女主角高海寧喺劇中係同事和好姊妹,而佢都會加入喺處境劇《愛‧回家之開心速遞》,林秀怡演出明詩一角,跟朱天梯(梁証嘉飾)將有感情線,林秀怡早年都參曾演過《畢打自己人》、《天天天晴》。

林秀怡畀陸永揸蘿

第二集劇情講到陸永扮演嘅自卑宅男,見到著住超高踭鞋、打扮性感嘅林秀怡幾乎失足跌倒之際,決定馬上救對方,點知唔小心摸到對方pat pat!

婚姻合伙人 婚姻合伙人

出哂龍抓手誤摸pat pat嘅陸永自己都嚇到o哂咀,所以不知所措下隨即放手!

點知就令二人雙雙跌低,林秀怡更成個人瞓咗喺陸永上面,點知陸永之後仲要俾女方責鬧佢無好好扶穩其pat pat,否則就唔使跌低。

林秀怡17歲孭起頭家

林秀怡出身單親家庭,父母喺佢8歲嘅時候就離咗婚,一直同媽媽住喺天水圍公屋,相依為命。十幾年前,林媽媽因為跌傷唔可以再做嘢,所以秀怡中學畢業之後,孭起養家嘅責任。08年林秀怡考入訓練班,入行頭幾年人工都係得7千蚊,仲要養埋媽咪,個個月畀5千蚊媽媽做家用,自己就唯有節衣縮食,衫都唔敢買多件,所以就唯有撈多幾份兼職,增加收入。

View this post on Instagram

媽媽節快樂❤️❤️❤️❤️❤️

A post shared by kirbysau (@kirbysau) on

View this post on Instagram

日日去大浴場日日去溫泉 #浸到甩皮

A post shared by kirbysau (@kirbysau) on

為生計賣過condom 做侍應

兩年前《不懂撒嬌的女人》播出時,林秀怡受訪時講過,試過喺第二度攞貨返嚟擺上網賣,就連condom都賣過。為補家計,秀怡更被偷拍到喺食肆兼職做傳菜,當時都覺得好尷尬,不過都唔理得人點睇。秀怡講過,只要有戲做就乜都唔介意,咁辛苦都係想媽咪食好啲住好啲!去到2017年林秀怡終於儲夠本錢,與前藝員葉婷芝等幾位朋友合資,在旺角通菜街開設意大利麵餐廳,想給媽媽好生活。

林秀怡與朋友合資在旺角開設意大利餐廳。
高Ling都有去過捧場~

可惜林媽媽2018年被診斷出患癌,為咗醫好媽媽,秀怡仲將辛辛苦苦儲起嘅40萬血汗錢嚟做醫藥費,林秀怡因為擔心冇人照顧媽媽,幾個月沒有上班零收入,一個人買餸煮飯洗碗負責1日3餐,陪她抗癌。曾經歷癌症之苦的林淑敏得悉後馬上向她介紹醫生,又幫她們分析應到哪裡求診,好有心。

View this post on Instagram

❤️

A post shared by kirbysau (@kirbysau) on

秀怡自言細細個就鍾意演戲,入行11年大多都係演閒角,到12年拍《怒火街頭2》一場全裸半吊戲,令觀眾對佢留下印象,之後開始有啲「有名有姓」嘅角色做吓,不過發揮嘅機會都係唔多。去到《不懂撒嬌的女人》做唐詩詠身邊嘅閨蜜,終於開始上位,得到嘅角色戲份都愈來愈重。

林秀怡

事業一直未見起色嗰陣,秀怡都試過趁沖涼嗰陣匿埋喊,唔想畀媽媽知道擔心,好彩佢生性樂觀,喊完就冇事。去年佢喺《是咁的, 法官閣下》中擔演其中一個新牌律師,做黃智賢徒弟。好彩林媽媽一直都好支持秀怡,令到秀怡可以放心去追夢。希望秀怡未來會有更多機會,賺多啲錢,可以同媽媽一齊過更安穩嘅生活啦!

View this post on Instagram

好曬啊好曬啊好曬啊❤️❤️❤️❤️

A post shared by kirbysau (@kirbysau) on

林秀怡近年開始入屋

林秀怡近年演出不少,其中喺《不懂撒嬌的女人》飾演唐詩詠的三個八婆仔朋友之一,經常圍埋講是非~

唐詩詠與劇中「三大八婆」。

《三個女人一個「因」》演出生鬼

另外就係《三個女人一個「因」》,林秀怡飾演袁偉豪的妹妹利東伶,男仔頭性格率直爽朗,與林景程飾演的白狀為一對歡喜冤家,劇集收視高開之餘,林秀怡亦更為入屋!

利東伶與白保運~

《 怒火街頭2》赤裸博到盡

林秀怡更曾在《 怒火街頭2》作赤裸演出,飾演被逼藏毒的孕婦,並於網上得到一致好評。

 

身材有睇頭

喺劇中演大律師,大部分時間都係以行政人員服飾示人,但其實佢身材相當有睇頭!

被指與日本女優撞樣

甚至有網民發現林秀怡同日本女優水野朝陽撞晒樣!林秀怡就話自己有上連登高登等討論區,所以都知道呢件事。不過佢本人就話覺得唔太似,因為對方靚好多,身材勁好多!大家覺得呢?

TVB女星 TVB女星

TVB女星

最新吃喝玩樂資訊