麥當勞6種另類隱藏食法 賣相奇怪但食落超正?
麥當勞6種另類隱藏食法 賣相奇怪但食落超正?

麥當勞6種另類隱藏食法 賣相奇怪但食落超正?

麥當勞就由細食到大,薯條漢堡炸雞食物相信大家都唔會陌生。今日先忽略麥當勞餐點所帶來的驚人熱量,而是分享數個網絡流傳的6種「另類隱藏」食法,不少人試完都話睇落賣相奇怪甚至「樣衰」,但食落卻是超級好食!

撰文:GW|來源:Facebook、Mcdonald’s、[email protected]古娃娃WawaKu

第一種:薯條+甜酸醬(初級組)

薯條一般都是蘸蕃茄醬,但如果剛好是食麥樂雞餐的話,拎薯條去蘸甜酸醬就少不免,說不上是「隱藏版」的另類食法,相信連三歲小朋友都有試過!食落酸酸甜甜別有一番風味。

麥當勞
薯條+甜酸醬

第二種:薯條+茄汁+砂糖+胡椒粉(初級組)

薯條蘸蕃茄醬就基本㗎啦,但如果喺茄汁入面加砂糖同胡椒粉聽講會將味道提升一個層次。台灣網友話食落又鹹又甜,味道仲超似「蘑菇鐵板麵」!

麥當勞
薯條+茄汁+砂糖+胡椒粉
麥當勞
薯條+茄汁+砂糖+胡椒粉

第三種:薯條+雪糕(中級組)

鹹嘅薯條搭配上甜嘅雪糕,雖然聽落怪怪地,但食過嘅人都大讚話「超級夾」!雪糕方面用新地筒/新地/麥旋風都得,口味隨你配搭,榴槤又得、朱古力又得!(不過聽講用新地筒同薯條最夾)

麥當勞
薯條+雪糕
麥當勞
薯條+雪糕

第四種:漢堡包+薯條(中級組)

在漢堡包入面放上薯條,網民話食落好似薯蓉漢堡咁,口感軟綿綿又香口,非常好食!多位網民評測後認為最好食的是「雙層芝士孖堡+薯條」。

麥當勞
漢堡包+薯條
麥當勞
漢堡包+薯條

第五種:雙層芝士孖堡+麥旋風(高級組)

齋聽未食都已經開始覺得奇怪是非常正常的,但聽講有人食過就欲罷不能。網民稱食落似係牛奶味好重的「花生醬雙層芝士孖堡」,仲有人稱呼佢為「冰火雙層芝士孖堡」(聽落好似好厲害),有機會各位不妨試試!

麥當勞
雙層芝士孖堡+麥旋風
麥當勞
雙層芝士孖堡+麥旋風
麥當勞
雙層芝士孖堡+麥旋風

第六種:麥旋風+蘋果批(高級組)

將香脆的熱蘋果批對半折開,放入冰冰甜甜又綿密的麥旋風中間攪拌,冰熱的交疊搭配出超級新奇的口感,但奇怪的是沒有違和感,仲非常之夾!食落又酸又甜,網民話食落超似「炸雪糕」,亦有人話似係「酥皮雪糕」!雖然其貌不揚,但是每個試過嘅人都話「超!級!好!食!」

麥當勞
麥旋風+蘋果批
麥當勞
麥旋風+蘋果批

最新吃喝玩樂資訊