中環快閃  最大型本地文創節   啤酒特飲+惹味美食+Busking演出+DIY工作坊
中環快閃  最大型本地文創節   啤酒特飲+惹味美食+Busking演出+DIY工作坊

中環快閃 最大型本地文創節 啤酒特飲+惹味美食+Busking演出+DIY工作坊

(Presented by Hoegaarden)

 

8月盛夏氣溫持續飆升,搞到成日都好想飲返杯透心涼嘅冰凍啤酒,不如下個周末約埋朋友過嚟中環「賞想文創節@中環夏誌」,邊歎住Hoegaarden主題啤酒特飲,邊大啖各式惹味小食,同時欣賞現場Busking音樂演出,仲可以逛勻300個來自亞洲嘅設計攤位,最後參加埋多個趣味DIY工作坊,到時預計會有超過十萬人聚首狂歡!

活動屆時預計會吸引超過十萬人聚首,由朝到晚一齊吹住海風、飲住啤酒、食住美食、聽住音樂,全情投入由藝術、設計、創意,以至大自然同可持續發展意念共冶一爐嘅嶄新戶外樂趣體驗。

 

最大型本土文創節

今年踏入3周年嘅「賞想文創節 @ 中環夏誌」,係由擁有600年歷史嘅正宗比利時小麥啤酒品牌 Hoegaarden ,聯同本地手作平台賞想(Think of a Style)同 Central Venue Management (CVM)合辦,一年一度全港最大型本土文創嘉年華「賞想文創節 @ 中環夏誌」!活動分為兩部分,第一部分「中環夏誌」已喺7至8月提供各種免費夏日活動;而一連三日嘅「賞想文創節」就係整個活動嘅謝幕禮。

 

Hoegaarden 透心涼夏日特飲

炎炎夏日有咩比同老友相聚草地上,歎住啤酒傾偈放鬆心情爽呢?「The Gaarden」會提供經典嘅 White 同 Rosée 啤酒外,Hoegaarden 更為今次活動特別調製咗兩款紅白啤酒雞尾酒,同埋另外一款全新零酒精西柚味啤酒。只要你喺呢三晚,指定時段(晚上7至9點)嚟歎歡樂時光,仲有買一送一優惠𠻹!

Hoegaarden White 配合荔枝、接骨木花同檸檬皮特調嘅Hoegaarden Lychee Blossom(左);同埋以 Hoegaarden Rosée 調合氈酒、青瓜,仲有石榴糖漿混調嘅Hoegaarden Rosée Rhapsody(右)。

 

以獨家全新產品零酒精西柚味啤酒 Radler 0.0%,酸甜可口、清爽怡人,當加入士多啤梨同菠蘿汁後,就成為無酒精特調雞尾酒 Hoegaarden 0.0% Tropical Twist,最啱一家大細飲用。

 

美食市集匯聚百般滋味

今次Hoegaarden 更同 Café Deco 同 Food Panda 合作炮製多種滋味佐酒食物。前者旗下三個品牌Beerliner German Bar & Restaurant、Stormies 同 2/3 Dolci ,為大家炮製煙燻香腸卷、三文魚香腸配煙三文魚、得獎冠軍肉腸同德式蘋果卷配雜莓醬等經典德式美食。Stormies就提供惹味兼可選雞肉或手撕豬肉餡料嘅墨西哥軟粟米餡餅、香料芝士烤原條粟米和淋上芝士醬、牛油果醬、酸忌廉同番茄莎莎嘅墨西哥脆片。2/3 Dolci 就會為大家帶嚟多款手工消暑甜點,包括意大利雪糕與雪葩、即場烤製嘅棉花糖意大利雪糕棒,同埋比利時窩夫雪糕三文治。

 

每款小食都各有風味特色,等你同老友一齊嚟慢慢細味。

 

一千塊蛋糕免費請你食

最後一定要試食大會獨家製作嘅1,000塊 Hoegaarden Rosée蛋糕呀!只要到Hoegaarden facebook 專頁讚好,並喺「The Gaarden」內影一張照片,上載到個人IG,再附上 #Hoegaardenhk 、 #TheGaarden 和 #ThinkofaStyle,就可以獲得免費蛋糕乙件㗎啦!

另喺場內購買兩杯 Hoegaarden 飲品,就可以獲得免費樂事薯片乙包。

 

簡便美食訂購應用程式

Hoegaarden 同 Food Panda 合作推出簡便美食訂購系統,只要登入Food Panda 應用程式,進入「The Gaarden」嘅餐飲攤位名單中挑選菜式,系統就會為你安排食物、分配輪候號碼,當訂單準備就緒,應用程式就會提你領取食物,方便易用!凡喺場內光顧任何餐飲攤位,或經Food Panda 應用程式訂購場內美食,均可以優惠價 $60(原價$75) 加配500毫升Hoegaarden White/Rosée;亦可以 $35(原價$45)加配 500毫升無酒精 Hoegaarden Radler 0.0%。

 

響應可持續發展生活

為咗避免產生大量即棄塑膠杯,今次主辦單位更同本地環保初創公司 BottLess 合作,為活動提供可重用酒杯,真正做到零浪費、無塑膠同無飲管。每杯飲品售價裡面嘅$10將當做酒杯按金,等最後歸還酒杯時退返。而一系列手工藝工作坊,都會積極宣揚循環再造及升級再造嘅概念。

Hoegaarden X BottLess可重用酒杯,設計方便易用。

 

仙樂飄飄 「The Gaarden」

好音樂可以療癒心靈,活動一連三日都安排咗無間斷Busking音樂演出。另外,賞想 Think of a Style 亦邀請咗非政府機構「國際青年商會」,同各位年輕人分享有關愛與人際關係嘅課題。

Busking音樂演出單位(左至右):日本清新男孩 Mr. Wally、本地超靚聲 Judas Law(羅凱鈴)、「微辣」女神 Rachel(劉蘊晴)、小清新二人樂隊 Robynn & Kendy。

 

全方位感官新體驗

Hoegaarden多年嚟強調融入社區,同時積極推動本土手作工藝創作,所以今次市集就邀請咗300位來自香港、日本同台灣等亞洲地區嘅設計師同手作家,展現自家創作嘅手工藝,好似珠寶配飾、服裝、花藝同蠟燭等,同場又有趣味 DIY 工作坊畀大家參加。

香港手作蠟燭品牌BeCandle推出嘅《Lost in Time》系列,包括蝦餃燒賣點心、懷舊電話同錄音帶蠟燭等造型有趣嘅植物蠟燭,送禮自用都咁啱。

 

來自澳門嘅FAITH & FEARLESS,以生產大容量又輕便,而且防水耐用嘅時尚環保袋為主,簡潔鮮明嘅口號宣言,最啱獨立自主嘅新生代。

 

台灣手作迷你飾物品牌 let.love,造型多樣又栩栩如生,令女生愛不釋手。

 

泰國品牌KALEIDOSCOPE嘅Indigo紮染手作記事簿,充滿星空神秘感,品味自成一格。

 

Makers’ Base意思係「自造者專屬秘密基地」,匯聚超過2,500位年輕設計師,提供木工、金工、陶藝、裁縫等多元化手作設計單品。

 

Lulita handmade(鹿栗塔)將中國刺繡注入各款少女味十足嘅耳環同頭飾,充滿青春動感。

 

手工藝工作坊

除咗選購獨一無二嘅手作工藝品外,你更可以參加DIY 工作坊發揮創意。先由紮染體驗坊考考自己手藝,自創真正充滿個人風格嘅紮染 Tote Bag ,以後就可以伴你四處闖蕩!杯墊彩繪創作坊畀你專注喺繽紛色彩裡面放鬆身心,而皮革匙扣創作坊則可以激發你潛在嘅藝術感。只需喺現場購買3杯 Hoegaarden 飲品,就可以參加當日其中一節工作坊啦!每節名額有限,先到先得。

今個暑假未有送禮物畀自己?參加紮染體驗坊,親手為自己製作一份專屬禮物啦!

 

Hoegaarden 呈獻賞想文創節@中環夏誌

開放日期:8 月23-25 日(星期五至日)

開放時間:每日3pm-9pm

地點:中環海濱活動空間C、D區(會場入口近添馬公園)

活動網址:http://thegaarden.hk/

 

 

最新吃喝玩樂資訊