日本YouTuber被整蠱 驚見成間餐廳坐滿9個前女友
日本YouTuber被整蠱 驚見成間餐廳坐滿9個前女友

日本YouTuber被整蠱 驚見成間餐廳坐滿9個前女友

成日聽到人話結婚請埋啲EX,雖然今次就唔關結婚事,純粹係餐廳食飯,不過如果帶女朋友食飯嘅餐廳,入面坐滿EX,你又會點做呢?日本YouTuber拉斐爾帶現任女友食飯,點知同場坐滿晒佢嘅EX,真係嚇到唔知畀咩反應好。

撰文:KM | 圖片來源:YouTube

日本YouTuber拉斐爾被整蠱

日本真係好多整蠱節目,今次YouTuber拉斐爾就成為整人綜藝節目嘅目標,同事喺拉斐爾食飯嘅地方安排咗一堆佢嘅EX,數量多到一間房都坐唔晒,睇下拉斐爾見到呢個場面會有咩反應!

日本YouTuber
成間餐廳坐滿9個前女友

影片中見到多個EX逐一自我介紹,好多都後生得嚟又幾靚女。問到呢班EX點睇拉斐爾,大家都異口同聲話:「我很討厭他」、「不想看見他」。

日本YouTuber
其中一個EX
日本YouTuber
其中一個EX
日本YouTuber
EX異口同聲:「我很討厭他」

介紹完EX之後,終於輪到主角出場。拉斐爾帶住女朋友入到呢間壽司店,點知女朋友一入到去就見到識得嘅人,仲要未知佢就係拉斐爾嘅EX,真係嚇到呆一呆。

日本YouTuber
拉斐爾帶住女朋友入壽司店
日本YouTuber
拉斐爾現任女朋友

拉斐爾坐低冇得耐就見到一堆EX,嚇到佢即刻去洗手間要冷靜下:「這真是不得了,有點糟糕。」。點知去到洗手間,又畀個朋友帶咗去另一間房,一打開門又見到另一個EX,個EX都話想去見下拉斐爾嘅現任,真係嚇到個心都離一離。

日本YouTuber
另一間房都見到EX

拉斐爾返到吧台先係災難嘅開始,其中一個EX問到佢哋幾時喺埋一齊,現任就話4月尾,點知前女友表示:「我們是4月尾分手的」,原來拉斐爾一腳踏兩船。

日本YouTuber
原來拉斐爾一腳踏兩船
日本YouTuber
前女友表示:「我們是4月尾分手的」

呢次嘅整蠱真係玩大咗,搞到成餐飯個氣氛都怪怪哋,感情呢回事真係要好好處理先得!

最新吃喝玩樂資訊