日本勵志哥擁神級女友 每日狂放閃光彈結果…
日本勵志哥擁神級女友 每日狂放閃光彈結果…

日本勵志哥擁神級女友 每日狂放閃光彈結果…

「勵志哥」係指一啲集矮、、醜、毒、窮等缺點於一身,但係身邊卻有好似女神下凡一樣嘅女朋友嘅男士,令唔少男生都羨慕、妒忌同恨。而近期日本就出現咗一位勵志哥,同前女友分手無耐,瞬間又認識到可愛嘅現任,經常喺網上晒恩愛,引嚟唔少網民嬲爆!

撰文:Evita | 圖片:Twitter

日本勵志哥擁神級女友

日本呢名24歲勵志哥叫Paru Paru(ぱるぱる),係一名無業遊民,經常要靠女友接濟,連身穿嘅衫都由女方送。Paru Paru同女友拍拖八個月,經常喺社交媒體晒恩愛,閃盲網友。佢常常以「陰沉內向」形容自己性格,而女友則係開朗又充滿陽光氣息。

日本

日本

日本

日本

不過今個月月頭,Paru Paru突然喺Twitter發文表示要同女友分手,原因係對方出軌。仲話因為太大打擊,所以忍唔住掟爛手機,並留下一句再見。

隔咗兩日,女友就喺Twitter表示自己並無出軌,更話Paru Paru只係將半年前女友同前任分手後,相約男性朋友去玩嘅事拎出嚟翻舊帳。

同日,Paru Paru喺Twitter宣布同女友復合,更話會好好珍惜對方,配上一張完整無缺嘅手機相,唔通係女友買嘅?

原來女友只係要求Paru Paru做多啲家務,並減肥20公斤,二人並隨即開始同居生活,真係180度轉變!復合之後,Paru Paru不斷放閃光彈,又將女友親手煮嘅咖喱飯相擺上Twitter,並寫道:「雖然我又沒工作,做甚麼都半途而廢,但我會成為出色的男人。」

後來Paru Paru再發文,表示自己係廢青一名,仲大讚廣大市民努力工作真係厲害,亦提醒大家覺得辛苦時都要休息下,真係非常「窩心」。

日本

自問外形比佢好嘅男士,係咪想問下點解呢個世界咁唔公平呢?學張家輝話齋:「你而家無,但係將來會有。」加油啊!

最新吃喝玩樂資訊