尖叫雞 雞翼 年度食材
尖叫雞 雞翼 年度食材

【年度食材冠軍雞翼】5000隻尖叫雞波波池!全港最大尖叫雞 X 雞翼嘉年華!淺水灣瘋狂玩尖叫雞兼一次過食近百款雞翼

飲食

廣告

年度食材冠軍雞翼終極一擊!同香港人一齊尖叫打打氣!「啊~~~~~」憑著一聲搞笑叫聲風靡全球的尖叫雞,相信大家都不陌生,只要見到它的身影,行過路過都不禁大大力按一下,令它大叫一聲。今個夏天,尖叫雞大軍將殺到香港,舉辦「尖叫吧!海賊雞翼嘉年華」,除了可以瘋狂食雞翼,更有由超過5,000隻海賊造型尖叫雞組成的「波波池」,仲有大量尖叫雞,縱身一跳,便可以聽到大量尖叫聲,爽!

撰文:Mandy|圖片:相關機構、網上圖片

年度食材冠軍雞翼終極一擊 尖叫吧!海賊雞翼嘉年華

雞翼作為本年度香港人民選的食材冠軍,可想而知其受歡迎程度,這次「尖叫吧!海賊雞翼嘉年華」來到淺水灣,實行全民邊尖叫、邊食雞翼。活動以不同口味雞翼作主題,可以讓一眾「雞翼精」一次過嘗盡近百款口味雞翼,食飽就可以與5,000隻尖叫雞一起瘋狂尖叫打卡,實行叫爆全場!

大量尖叫雞!密集恐懼症注意!
大量尖叫雞!密集恐懼症注意!
想入場就要先經過尖叫雞的嘴巴。
想入場就要先經過尖叫雞的嘴巴。

 

大家可以一次過與幾千隻尖叫雞見面,非常震撼!
大家可以一次過與幾千隻尖叫雞見面,非常震撼!

波波池就玩得多,今次由5,000隻尖叫雞組成的「波波池」你又玩過未?一隻尖叫雞輕輕一捏已經可以長叫一聲,更何況幾千隻一齊叫!相信到時尖叫聲一定此起彼落,非常誇張!

單是一隻尖叫雞的叫聲已經夠好笑,屆時更有幾千隻!
單是一隻尖叫雞的叫聲已經夠好笑,屆時更有幾千隻!

除了波波池及打卡位,現場亦有多款尖叫雞主題攤位遊戲及小型障礙賽,例如傳統的拋圈圈套玻璃樽,就變成把圈圈套中尖叫雞,十分搞鬼,大人細路都啱玩。

傳純的汽水樽變成了尖叫雞,非常搞鬼。
傳純的汽水樽變成了尖叫雞,非常搞鬼。
尖叫雞更會不時現身,與粉絲們拍照!
尖叫雞更會不時現身,與粉絲們拍照!
尖叫雞以海賊造型現身香港。
尖叫雞以海賊造型現身香港。
每位入場人士憑票可以得到海賊造型尖叫雞一隻,可以隨時隨地尖叫。
每位入場人士憑票可以得到海賊造型尖叫雞一隻,可以隨時隨地尖叫。

有Youtuber曾經躺在100隻尖叫雞上,尖叫聲不絕於耳,100隻都如此誇張,更何況是幾千隻!

提到尖叫雞,又點少得提起它們的歌喉呢?尖叫雞大唱不同經典歌曲,上網睇片就睇得多,今次終於可以現場一齊Jam歌!擅長用尖叫雞叫聲改編歌曲的澳門音樂人「Pai LeaDer 排長」,將於8月25日現身淺水灣,與大家齊齊Jam歌,實行全城尖叫,叫到對面海都聽到!
由排長製作的尖叫雞版本浮誇,果然夠晒浮誇。

號稱唱歌比不少人好聽的尖叫雞,更是沒有語言限制,可以唱出不同語言的歌曲。

 

嘉年華分為兩個階段,第一個星期以火辣雞翼作主題,一連兩日舉辦火辣雞翼派對,現場有數十款即叫即煮的辣味雞翼,包括經典初階水牛城雞翼、惹味新加坡辣蟹味雞翼、紐奧良香粉雞翼、極限級死神雞翼等,保證新鮮熱「辣」,辣得之人萬勿錯過!

年度食材 雞翼 尖叫雞
辣味雞翼是最受歡迎的口味之一,辣得之人快來挑戰。

近年愈來愈多雞翼專門店,今次本地創意雞翼品牌Wingman將於8月18日,舉辦只此一場的全港最大型辣雞比賽(Hot Wings Challenge),以號稱世界上最辣的地獄辣椒炮製出終極Hot Wings Challenge。挑戰者需於限時內完成Level 1至8的辣味雞翼,最終最辣得的勝出者,將獲得the pulse x Wingman「辣得之皇」獎杯、Wingman送出現金獎港幣1,000元及價值港幣1,000元Wingman現金券。自問辣得之人,快點報名參加吧,不過記得要帶定多張紙巾,以免到時辣得標眼水!

Wingman出品的雞翼一向高質,今次專攻辣味,十分期待。
Wingman出品的雞翼一向高質,今次專攻辣味,十分期待。

第二個星期以創新口味為主題,搜羅近百款新奇雞翼,包括原創人氣玫瑰雞翼、鬼馬我係鹹檸7雞翼、菠蘿啤酒麥香風雞翼、養生熱情果紅棗寶寶雞翼等,衝擊大家的味蕾!

玫瑰雞翼口味清新獨特,是店舖的人氣之選。
玫瑰雞翼口味清新獨特,是店舖的人氣之選。
鹹檸7就飲得多,鹹檸7雞翼又食過未?
鹹檸7就飲得多,鹹檸7雞翼又食過未?

現場更設有特色水煙,可以邊歎海景,邊chill住歎雞翼。

水煙加入尖叫雞元素,以招牌雞嘴咬著水煙管,非常搞笑。
水煙加入尖叫雞元素,以招牌雞嘴咬著水煙管,非常搞笑。

尖叫吧!海賊雞翼嘉年華

日期:8月17、18、24、25日(星期六及日)
時間:2pm-8pm
地點:淺水灣海灘道28號the pulse 商場天台
費用:網上購票$99,現場購票$120
報名詳情:pirateswingsfest.eventbrite.com
*每張入場券包括雞翼4隻、海賊造型尖叫雞1隻及海賊帽1頂

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..