印尼男網戀同鄉2年終娶「女神」揭開面紗中伏秒悔婚|網絡熱話
印尼男網戀同鄉2年終娶「女神」揭開面紗中伏秒悔婚|網絡熱話

印尼男網戀同鄉2年終娶「女神」揭開面紗中伏秒悔婚|網絡熱話

網上交友愈來愈普遍,好多男女都會玩交友App去認識新朋友。交友App識新朋友打破咗地域界限,所以遠距離戀愛甚至網戀都唔係一件新鮮事。有一位喺南韓打工嘅印尼男子,喺網上認識咗一位喺台灣打工嘅印尼女子,諗住娶佢為妻時,先發現一切都係騙局…

撰文:SY|圖片:網上圖片|資料來源:HTN NEWS

印尼男娶網戀女神
見面中伏秒速悔婚

一位喺南韓打工嘅30歲印尼男子Yusuf,2年前喺Facebook識咗一位台灣打工嘅印尼女子Intan。兩個人開始遠距離談戀愛,Yusuf睇到Intan嘅相,一直都認為Intan係「上天賜俾佢嘅禮物」。

網戀
Intan一直用呢張相。(影片截圖)
網戀
Yusuf的女神(影片截圖)

平時Yusuf會用文字同女朋友Intan溝通,而每次視訊Intan一定會戴頭巾同面紗,所以除咗張相之外,佢係冇見過女朋友嘅真面目。但Yusuf冇對女朋友起疑心,仲話只係睇女朋友雙眼,已經確定佢係自己嘅女神。

網戀
結婚當日(影片截圖)

Yusuf決定迎娶Intan,所以佢飛去台灣。喺二人第一次正式會面,Intan著住印尼婚紗,Yusuf一眼就認出女朋友,但覺得同相中人有少少唔同。喺Intan揭開面紗嗰一下,Yusuf先發現自己嘅女朋友至少60歲,嚇到即場退婚。原來Intan一直用假相呃Yusuf,利用假嘅女神相同Yusuf拍拖。

網戀
新娘正面目(影片截圖)
網戀
兩者容貌真係差天隔地,完全係網購圖片只供參考嘅感覺!(影片截圖)

最新吃喝玩樂資訊