要員工生食泥鰍飲雞血  內地無良老闆「為咗激勵佢哋達成業績」
要員工生食泥鰍飲雞血  內地無良老闆「為咗激勵佢哋達成業績」

要員工生食泥鰍飲雞血 內地無良老闆「為咗激勵佢哋達成業績」

打工仔返工艱辛就係人都知,每日忙忙碌碌為公司賣命不特止,有啲甚至因為業績未如理想而要被老闆斥責。不過點都唔夠以下嘅員工慘,話說貴州有建材公司竟然因為要懲罰業績未達標嘅員工,要求佢哋生食泥鰍同飲雞血,睇見都覺得恐怖啊!

撰文:Evita | 圖片:YouTube

內地打工仔排隊生食泥鰍

8月6日網上有片段傳出,事件發生喺貴州省黔南布依族苗族自治州獨山縣,片段中見到有數之不盡嘅員工分開兩行面對面企,一名身穿黑白間條衫,頸上掛著哨子嘅男人從膠桶內拎出生猛泥鰍,並分派到員工手上,一人一條,永不落空。

內地 內地

鏡頭一轉,間條衫男人大嗌:「必須咬斷!」員工們隨即將泥鰍放入口,有人用牙大力撕扯,有人則一啖吞落肚,不過大家表情都顯得非常痛苦,更不斷聽到作嘔聲音,然而佢哋食完泥鰍後,仲需要飲生雞血啊!

內地

內地

而建材城老闆則回應,舉辦呢啲活動係為咗激勵大家,喺每個品牌搵嚟1個老闆、1個店舖負責人同2個員工,而食泥鰍嘅就多數係店舖負責人。建材城老闆又指,活動係由四十幾個品牌入面嘅監督老師所舉辦,而大家都係自願參加,完全唔存在任何強迫性。

「以前也搞過這類活動,之前吃過苦瓜這類東西,都是為了刺激達成業績。」

建材城老闆又話當日活動由監督老師帶頭先食,而其他人則仿效。

內地 內地

獨山縣人力資源和社會保障局已經介入調查,根據《勞動法》第96條的規定,用人單位不得有侮辱或體罰勞動者的行為。而當地勞動監察大隊已經進行調查,並會第一時間公布調查結果。

係咪真係要用到呢啲方法先可以令員工有動力工作及發奮追業績呢?絕對值得我哋思考啊!

 

最新吃喝玩樂資訊