網民評選十大危險「武器」 放喺屋企會唔會比人拉?
網民評選十大危險「武器」 放喺屋企會唔會比人拉?

網民評選十大危險「武器」 放喺屋企會唔會比人拉?

浸大學生會會長方仲賢前日在深水埗購買觀星筆時,被警方以涉嫌藏有攻擊性武器拘捕,令市民甚至連各界專業人士都非常不滿,全城譁然。網民就評選十大「睇落唔似武器」但「隨時比人當武器」嘅用品,提醒各位拎出街嘅時候就要小心啲啦!

撰文:GG|來源:[email protected]譚文豪 Jeremy Tam監警會RTHK

警方就事件解釋:「法例上攻擊性武器定義:物品本身已經可以用作攻擊性的用途;或物品本身並非攻擊性用途,但有任何人用該物品攻擊其他人的話,該物品也可以歸類為攻擊性武器」。而事實上浸大學生會會長方仲賢並無攻擊其他人的行為,仍然被捕。在人人自危的情況下,網民就提出咗一堆「可能」會被當作「武器」嘅用品,仲精選咗十大「武器」添。

1)觀星筆(正名為激光指示筆,非鐳射槍)

武器
觀星筆(正名為激光指示筆,非鐳射槍)

所謂觀星筆,即是激光指示筆/鐳射指示器,與鐳射槍的功率差距一大截。話雖如此,近距離直射眼睛亦會令眼角膜受損,但一般人被強光照射自然會合上眼睛或迴避,如要以低功率觀星筆傷害角膜,要維持眼睛張開、企定定唔郁及近距離直射才有可能做到,唔知有無人做到呢?不過其實用手指插眼都會令眼睛受傷,難道手指亦是攻擊性武器?所以應聚焦在持有者「有沒有以物品攻擊他人的行為上。」

武器
貓貓最愛追紅點

觀星筆是天文愛好者的必要工具,物理學博士湯兆昇亦表示「作為一個從事物理和天文教育的人,擁有半打激光指示筆,係好合理嘅。」甚至連有養貓的貓奴家裡都會有鐳射筆,因為追紅點是貓貓最愛。但現在擁有觀星筆就隨時被當作「涉嫌藏有攻擊性武器」被拘捕了。

武器
觀星筆要傷人不太簡單
武器
唔知巴斯光年是否都有高殺傷力武器呢

2)雞蛋

雞蛋除咗拎嚟食,仲有人會拎嚟掟,當雞蛋都變「炸彈」,而「雞蛋炸彈」在某些人眼中是「核彈」,咁如果你又咁啱買完雞蛋返屋企,咁啱又遇到附近有示威活動,咁啱遇著警方盤查,咁有可能你手上嘅雞蛋會被當作攻擊性武器,或將被當作呈堂證供。

武器
雞蛋
武器
「雞蛋炸彈」

3)啤酒+毛巾

如果你鐘意飲啤酒,個人又大汗隨時都會帶毛巾抺汗,咁就要小心啲唔好將啤酒同毛巾擺埋一齊,皆因早排警方破獲倉庫時,檢獲咗一堆汽油彈,而該批汽油彈樣貌十足十未開蓋嘅啤酒,並綁上毛巾。所以千萬不要將啤酒同毛巾擺埋一齊,隨時被當作身上有汽油彈!

武器
警方檢獲的汽油彈(啤酒+毛巾睇落似汽油彈)
武器
警方檢獲的汽油彈(啤酒+毛巾睇落似汽油彈)
武器
警方檢獲的汽油彈(啤酒+毛巾睇落似汽油彈)

4)雨傘

雨傘常用於下雨或出太陽時,最近天氣反覆、陰睛不定,一時下雨一時大太陽,所以不少人身上都會帶備雨傘方便隨時撐起。儘管是用以防護用途居多,但從2014年起,不少人將雨傘當為「武器」,認為可以利用尖銳的傘頭作攻擊。更有立法會議員在立法會上,引用「黃飛鴻都用遮打奸人堅」作理據,認為雨遮的攻擊力不低。所以大家攜帶雨傘時就小心啲啦,隨時被當成武器拘捕!

武器
雨傘容易被當成「武器」
武器
雨傘容易被當成「武器」

5)樽裝飲品

香港地天氣炎熱,不少人出門會帶備或購買樽裝飲品,但有無諗過膠樽都隨時成為「武器」?網上經常流傳示威者用水及沙石等物塞入水樽內,再計算角度以拋物線掉出,利用作用力與反作用力的關係,對人造成極大殺傷力(好似係,未經Fact check,佢地流傳,無Source㗎,唔好問編輯拎)。所以如果手上有支裝飲品,被警方盤查時,千祈唔好心虛,亦唔好怕尷尬,啊Sir問你手上嗰支係咩,你就飲比佢睇,寶礦力就答佢係寶礦力,水就係水,各位要小心,自己執生。

武器
樽裝飲品炸彈(?)

6)鷹粟粉

鷹粟粉嘅定位就比較尷尬,因為不是怕被懷疑是武器,而是怕被懷疑藏毒。因為去年曾經發生一宗警方未有搜查令直闖民宅,搜出鷹粟粉當成白粉(海洛英)的事件,即時就拘捕代為看屋的事主,並且落案起訴,事主遭還柙六星期,等待警方等候化驗結果,最後就證實粉末只是鷹粟粉,事主就向監警會投訴。(詳情:監警會通訊 – 第二十四期(2018年9月)(12/12頁))

武器
鷹粟粉/白粉容易混淆

(講笑Mode)所以呢,如果身上有鷹粟粉,見到啊Sir時唔好怯,唔好跑,唔好倒落廁所,否則睇落更有嫌疑!要冷靜地回答:是鷹粟粉。並打開包裝,用手指尾拎起小小,擺落口,證明是能食用的鷹粟粉而非白粉,再邀請對方一起嘗試(若然未被拘捕的話)。

武器
鷹粟粉/白粉同為白色粉末

7)鹹魚

當鐳射筆都可以當成鐳射槍,睇落無攻擊性都可以做武器時,將鹹魚當成尚方寶劍都唔出奇(出自電影《九品芝蔴官》)。首先,鹹魚經過長期曬乾,身驅非常堅硬及呈長條狀,以某些人的標準可用於砍劈,而且帶有鹹臭味,可影響被攻擊者的呼吸系統。

武器
鹹魚當成尚方寶劍
武器
鹹魚當成尚方寶劍

8)哮喘藥

哮喘藥與鷹粟粉一樣,定位在懷疑藏毒而非武器。在7月2日時警方高調拘捕貨van司機,並指司機「管有第一部毒藥」,後來發現竟然只是哮喘藥。哮喘病人如果忽視發病的症狀而忽略治療的話,可能喪命,而哮喘藥就是發病時的救命藥。但是持有哮喘藥,就要小心啲啦!

武器
哮喘藥是「第一部毒藥」

【瘋狂截查後續】 …

Posted by 譚文豪 Jeremy Tam on Tuesday, 2 July 2019

9)A4紙

A4紙睇落非常無殺傷力,但往往傷人於無形之中,被紙割傷過的人就知道。

武器
A4紙是隱形武器(?)
武器
A4紙是隱形武器(?)
武器
A4紙是隱形武器(?)

10)摺凳

摺凳是「七大武器之首」,相信每家每戶都有。出自電影《食神》裡味公主(薛家燕飾)的對白:「好摺凳,好摺凳!摺凳奧妙之處在於佢可以隱藏係民居之中,隨手可得。哈,仲可以坐住佢?掩藏殺機,就算俾差人拉到都鋤你唔入,不愧為七大武器之首。」鋤唔鋤得入就清楚啦,但如果連前面九樣都比人鋤嘅話,持有摺凳比人鋤嘅機率都幾高吓。

武器
「七大武器之首」- 摺凳
武器
「七大武器之首」- 摺凳

不過其實如果佢係都要告你,無論你身上有啲乜/屋企有啲乜,都會話你藏有攻擊性武器;如果唔想告你,你身上就算有藤條、水喉通、木棍甚至刀,都會放過你㗎啦,晒氣啦。

武器
點解要砌舊生豬肉喺篇文度?唔知㗎,想囉。

最新吃喝玩樂資訊