東薈城名店倉變身成熱帶風情國度 打卡熱點+購物優惠@Miss Sunny
東薈城名店倉變身成熱帶風情國度 打卡熱點+購物優惠@Miss Sunny

東薈城名店倉變身成熱帶風情國度 打卡熱點+購物優惠@Miss Sunny

(Presented by Citygate Outlets)

東薈城名店倉作為全港最大嘅名店折扣商場,一向多筍嘢買就大家都知,我Miss Sunny間唔時都會入去掃下貨,今年暑假,東薈城名店倉嘅擴建部分即將開幕,屆時將雲集約 150 個國際品牌,全年提供低至 1 折的折扣優惠,俾大家大買特買,著出最潮夏日Look。為慶祝東薈城名店倉全新面貌,商場將會喺即日起至9月1日期間推出一連串以「全新型格 暢遊盛夏」為題嘅推廣活動,即刻同大家睇下有咩筍嘢啦!

  1. Shopping必去!雲集多間國際大牌+多元餐飲!

隨著擴建完工,將會有更多大牌喺東薈城名店倉開幕,除咗有一線大牌,如Armani、Bally、Burberry、Coach、kate spade同Michael Kors外,今年仲要再引入更多國際品牌如Versace、Ermenegildo Zegna、Ted Baker、REISS、Jack Wills及Cath Kidston等,男裝、女裝都一應俱全!行到攰,且有更多餐廳俾大家選擇,包括喺香港首設露天雅座嘅餐廳——富有廣東風味嘅六小館、北京名店羲和小館、融合北京、四川同上海菜風味及特色的稻成京川滬、尚蓮・泰國料理和主打牛扒嘅Outback Steakhouse,而春水堂人文茶館嘅第二間堂食分店及日式料理餐廳鍋處Hana都會喺東薈城名店倉開幕!

消費完,記得換埋禮物先好走!由即日起至2019年8 月28日,喺東薈城名店倉以電子貨幣消費滿指定金額即可換領多款夏日禮品,全部數量有限,送完即止。

消費滿港幣2,000 – 4,999元即送由本地插畫師吳嘉敏設計嘅限量版盛夏沙灘袋
消費滿港幣5,000 – 9,799元即送Cath Kidston碎花雨傘
消費滿港幣9,800 – 14,999元即送夏日別注版手鏈綴有施華洛世奇迷人珠子
消費滿港幣15,000元或以上即送Coach皮革拉鏈手腕包

打卡必去!異國熱帶風情遊樂區!

東薈城名店倉將商場布置成熱帶風情國度,等大家即使留喺室內都一樣可以享受陽光與海灘嘅感覺,當然唔少得影相打卡位啦!步入商場2樓天橋,即刻有3棵約高6米嘅閃爍棕櫚樹,樹幹上有唔同圖案與字句,其中一棵仲要係Flamingo!無得唔影啊!踏入8月,商場將會喺2樓中庭增設泳池派對主題嘅布置,當中包括巨型半融雪糕以及一系列散發夏日透心涼布置,吸Like力超強啊!

消暑必去!玩遊戲贏「bless」冷壓菠蘿汁

活動期間嘅星期六同日,商場2樓天橋仲開設「炎夏消暑樂園」,只要參加互動遊戲就有機會贏取「bless」冷壓菠蘿汁。遊戲方法簡單,只要驅動單車,扭動方向盤觸碰水果,獲取指定分數,就可免費獲得「bless」冷壓菠蘿汁一支。只要喺商場任何餐飲商戶即日以電子貨幣單一消費滿港幣300元或以上,即可登記參加遊戲。

最新吃喝玩樂資訊