黑幫包圍警署題材敏感 鄭則仕主演《街坊財爺》被抽起
廣告
因為《逃犯條例》引起一連串嘅警民衝突，至今都未有完善嘅解決方案，令多套TVB嘅警匪片被抽起。原定7月22日播出嘅《街坊財爺》，無故畀TVB抽起，改播《包青天再起風雲》，原來另有內情。
撰文：KM | 圖片來源：TVB
TVB抽起《街坊財爺》
由鄭則仕、邵美琪、苑瓊丹、黃智雯及黎諾懿領銜主演嘅《街坊財爺》，原定於7月22日夜晚8點半時段播出，係今年TVB Amazing Summer重點推介嘅劇集之一。
《街坊財爺》講述高利貸種種荒謬同無良手法，由鄭則仕飾演嘅貴利王戴金仔用江湖手段，經營財務放數同追債，點知有日畀雷劈完，金仔就放下屠刀，以財力回饋社會，化身「街坊財爺」到處派錢。
本來睇劇情發展好似冇咩特別要避忌，但喺《TVB 50+1再出發節目巡禮2019》宣傳片可見，鄭則仕同一班黑社會開拖，一開始就講「大家都係放貸，想搵我麻煩？嚟啦！」之後就搞到成班人圍住警署。
TVB似乎係擔心播呢套劇會觸發到市民嘅情緒，所以決定抽起呢套劇，改播《包青天再起風雲》，而《街坊財爺》就順延至9月2日播出。
而原定今年暑假播出，由張振朗、楊明、蔡思貝及鄧佩儀領銜主演嘅《機場特警》，都因為題材敏感而被抽起，播出無期。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
