堅持打機 無視母親極力反對 電競少年贏千萬買樓買車贈母
堅持打機 無視母親極力反對 電競少年贏千萬買樓買車贈母

堅持打機 無視母親極力反對 電競少年贏千萬買樓買車贈母

相信不少人只要被父母見到打機,就會比佢地話「晒時間,比啲時間讀書好過啦」,但其實現在有不少人打機打到變職業選手,仲名成利就添。就好似呢位15歲英國少年 Jaden Ashman,在美國一個電競比賽取得亞軍,贏取225萬美元獎金,證明自己每日打機練習8小時並非浪費時間。

撰文:GW|來源:Dailymail、Getty Images、BBC

來自英國埃塞克斯(Essex)的青少年Jaden與隊友到美國紐約參加《Fortnite》世界盃的電競比賽,贏下了亞軍,並得到了225萬美元(約1,750萬港元)的獎金,獎金將與隊友平分。

打機
Jaden與隊友贏下225萬美元獎金

但同好多其他家庭一樣,當初Jaden母親也是極力反對佢打機,亦試過將其遊戲機丟掉,又試過破壞其電競耳機。Jaden 在訪問中也指出,因為母親的反對,而且不理解自己,所以經常導致有爭執的情況出現,不過這一次獲獎後 Jaden非常高興,因為終於可向母親證明自己並不是一無是處。

打機
Jaden的母親Lisa反對Jaden「沉迷」打機
打機
Jaden與母親Lisa

Jaden的母親Lisa Dallman當日也有到達現場陪伴兒子比賽,對兒子獲得亞軍亦感到非常高興,指兒子向自己證明了花長時間打機並非浪費時間。Jaden被問到獎金會如何使用時,就表示會買間新屋同一架新車比媽媽,雖然一路走來並沒有得到母親全力支持,但都選擇用最孝順嘅方法去回饋媽媽,相當抵讚。

打機
母親Lisa到場支持

所以話有啲嘢,要堅持落去先可以證明比大家睇,證明自己係無錯,努力係會有結果,縱使成功嘅機率好低,但唔堅持就一定唔會成功,最緊要係知道自己做緊啲咩!就同呢位15歲嘅英國青少年一樣,年紀輕輕就贏下亞軍,獲得百萬獎金,非常勵志。

打機
電競追夢從不簡單

最新吃喝玩樂資訊