日本節目實測「被狂讚會變靚」? 宅女50日變美麗自信
日本節目實測「被狂讚會變靚」? 宅女50日變美麗自信

日本節目實測「被狂讚會變靚」? 宅女50日變美麗自信

成日都有人話:「世上冇醜嘅女人,只有懶嘅女人!」、「女大18變」、「自信嘅女人最靚」日本有一個節目《50天變美計劃》(50日間で女性の顔は変わるのか!?マツコが観察!)就做咗一個實驗,喺50日內俾人連續讚美,係咪真係會靚咗。

編輯:SY(原文:膠Hub)|資料來源:《50日間で女性の顔は変わるのか!?マツコが観察!》

日本節目實測稱讚宅女50日即變靚女

《50天變美計劃》(50日間で女性の顔は変わるのか!?マツコが観察!)節目組搵咗大學生京香做實驗,實驗對象喺唔使整容唔健身下,50日內連續被讚,睇下50日後係咪真係會變靚女。唔通呢啲就係「因有自信,所以美麗」?

50天變美計劃
大學生京香

大學生京香係一名參加漫畫研究會嘅宅女,成日都留喺屋企唔出街,佢唔係好識同人溝通。中學時候仲因為被人取笑自己嘅鼻毛,所以一直戴口罩。

50天變美計劃
曾被取笑所以一直戴口罩

京香話,自己唔敢同男仔講嘢,希望自己有返自信,所以節目組幫佢安排意大利文班,喺過程中外藉靚仔老師會不斷讚美佢,令佢重拾自信。喺實驗過程中,外藉靚仔老師日日讚佢,令京香越來越注重自己嘅形象同儀容。

50天變美計劃
外藉靚仔老師日日都讚佢

京香開始學習化妝技巧,仲會買一啲時裝雜誌,認真去學習如何打扮。仲特意去買隱形眼鏡同一個新嘅眼鏡,改變自己「宅女」嘅形象。為咗見外藉老師,第一次著上淑女長裙,令觀眾眼前一亮。

50天變美計劃
京香開始學化妝
50天變美計劃
又睇雜誌學扮靚
50天變美計劃
第一次著上淑女長裙

50日後變得更自信更靚

喺呢短短50日,京香嘅外表同心態上都慢慢有改變,好多人都感受到佢比以前自信。可見一個人嘅讚美的確會由潛意識慢慢改變你。但係,就算冇其他人嘅稱讚,自己對自己嘅肯定都非常重要!

50天變美計劃
真係變靚咗
50天變美計劃
又自信咗
50天變美計劃
好多人都覺得,京香變靚咗

最新吃喝玩樂資訊