After You Dessert Cafe銅鑼灣開聖誕市集 為期2星期！泰國生活百貨／零食 /甜品｜區區搵食
撰文：新假期編輯部｜攝影：Hong、Meck｜圖片來源：After You Dessert Cafe、新假期編輯部
After You Dessert Cafe銅鑼灣開聖誕市集！
泰國After You Dessert Cafe終於到港了！由12月19日至2021年1月3日在銅鑼灣登龍街開Pop-Up聖誕市集，是該品牌首間海外店，供應自家出品的精品百貨，如Pancake mix、蜜糖、鹹蛋黃零食、曲奇、蛋白餅、生活用品等，當中Pancake mix在泰國大受歡迎，以包裝盒作為器皿，直接加蛋、鮮奶混合成粉漿即成，方便好玩。市集開幕後，更會有即席製作的品牌甜品及飲品，令人非常期待！
加入材料即可製作，於泰國深受歡迎。
天氣凍喉嚨易痕癢，最啱沖杯蜜糖水飲。
曲奇酥脆，牛油味道特濃，特別是覆盆子口味，中間的覆盆子果醬酸咪，超開胃
香脆鹹甜，最啱煲劇時食。
造型可愛，可用來當聖誕禮物。
送禮至啱，一盒有齊熱賣產品。
輕便小巧，方便襯衫
家中都能自製聖誕零食。
把玉米粒及味粉放入去，便能製出爆谷。
聖誕限定甜品！蜜糖吐司＋朱古力特飲＋泰式奶茶
雖然是聖誕市集，不過現時還有聖誕限定甜品及特飲。如有原味蜜糖吐司及金莎朱古力蜜糖吐司，烘得酥脆的吐司上放上雪糕球及忌廉，再淋上蜜糖或朱古力醬，一切開，還聽到咔咔的酥脆聲音，甜蜜又滿足。另有聖誕老人曲奇餅及聖誕雪糕杯，前者在曲奇面上淋上朱古力醬，加$10還可加一球雲呢嗱雪糕；另外雪糕杯則有朱古力及牛奶粟米片可選。飲品方面，就有聖誕必點的朱古力特飲及抹茶拿鐵，凍飲上面唧上大量香滑忌廉，很是邪惡。怕凍的，也有熱飲可選，暖笠笠。也有泰國必點的凍泰式奶茶及蜜糖檸檬茶，茶葉用上泰國手標茶，香濃回甘。
烘得酥脆的吐司表面淋上蜜糖，香甜誘人。
最特別是附上原粒金莎，香濃有咬口。
加$10有雲呢嗱雪糕，曲奇偏美式風，軟身有嚼勁。
表面唧上厚厚忌廉，軟滑香甜。
雪糕滑身重奶香。
用上泰國朱古力製成，香甜度十足。
用上泰國手標茶，香濃回甘 。
泰國招牌刨冰 暫未供應
說到After You Dessert Cafe，非招牌甜品芒果糯米飯刨冰莫屬，可惜今次限定店未有供應。
必試招牌芒果糯米飯刨冰，一次滿足兩個願望！
附有奶茶可以淋上刨冰面，帶香濃茶味。
- 餐廳：After You Dessert Cafe 香港Pop-Up聖誕市集
- 地址︰銅鑼灣登龍街52號（顯示地圖）
- 電話：從缺
- 營業時間：12月19日至2021年1月3日 11am-9pm
- 備註：收現金及八達通
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
