KOL
KOL

大陸KOL直播濾鏡突消失!驚現網紅大媽真面目 粉絲人數不跌反升!|網絡熱話

熱話

廣告

只要有部電話就係人都可以做KOL。近十幾年有唔少社交媒體興起,除咗可以發布相片同影片外,有唔少已經支持直播功能。中國有部分直播主靠開直播打機或傾偈,更會喺直播期間開濾鏡,為求令自己有咁靚得咁靚,引男觀眾瘋狂送禮物。不過以下呢位內地著名直播KOL近日令粉絲一秒內瞬間崩潰,恐怕以後想再靠直播賺錢都幾難喇……

撰文:Evita|圖片:微博

內地KOL直播 露出大媽真身

內地著名直播主「喬碧蘿殿下」從來唔露臉,每次開直播都會用卡通圖案遮臉,以豐滿上圍示人,加上佢聲音嬌俏,時不時都會喺微博大派福利,發靚靚自拍,令人一直以為佢係一位大美人。

網紅
用一個大卡通遮住自己個真樣。(圖片來源:微博)
網紅
喬碧蘿殿下時不時向粉絲賣萌。(圖片來源:微博)

日前KOL「喬碧蘿殿下」同另一位直播主「mix晴子」齊齊開live,「喬碧蘿殿下」一如既往用卡通圖案遮住自己個樣,點知圖案疑因系統失靈突然消失,「喬碧蘿」真身曝光,望落係一位近50歲嘅大媽,嚇親網友。

mix晴子(左)、喬碧蘿殿下(右)(圖片來源:微博)
mix晴子(左)、喬碧蘿殿下(右)(圖片來源:微博)
網紅
當濾鏡消失,都有嚇親另一位KOL。(圖片來源:微博)

而「mix晴子」即時覺得唔對路,婉轉地問對方:

「妳的頭像怎麼會是這樣子的呢?這怎麼做的呢?」

可惜大媽仍然未有察覺,回應:

「因為我放了一個圖上去,我不能露臉,我要過10萬訂閱才能露,我是個顏值主播。」

網紅
睇嚟佢仲好自豪自己係顏值KOL。(圖片來源:微博)
有粉絲願出10萬同呢位KOL見面!(圖片來源:微博)
有粉絲願出10萬同呢位KOL見面!(圖片來源:微博)

言談之間,「喬碧蘿」仲用甜美嘅聲線表示自己其實係58歲嘅阿姨。曾經有粉絲向「喬碧蘿」打賞10萬蚊人民幣,更表示想同佢見面,而「喬碧蘿」就一直只發美女圖,唔肯現真身,非常神秘!今次露出真面目,有唔少粉絲都去到佢微博留言大鬧佢「唔要臉」,更有人笑佢係「奶奶」𠻹。但露出真面目後,粉絲人數反而暴增,大家睇嚟都係想食花生嘅心態喎!

「喬碧蘿」堅稱呢個係自己真實樣貌(圖片來源:微博)
「喬碧蘿」堅稱呢個係自己真實樣貌(圖片來源:微博)
不少網民都鬧爆佢。(圖片來源:微博)
不少網民都鬧爆佢。(圖片來源:微博)

有網友又話大家見到嘅只係「喬碧蘿」嘅奶奶,「喬碧蘿」只係喺旁邊配音。真相係點,就請大家自行判斷喇!

亦有人串佢搵奶奶出嚟直播。(圖片來源:微博)
亦有人串佢搵奶奶出嚟直播。(圖片來源:微博)
口型也對得太準吧~(圖片來源:微博)
口型也對得太準吧~(圖片來源:微博)

關鍵詞
網絡熱話