搶錢大屍殺
搶錢大屍殺

韓國爆笑喜劇《搶錢大屍殺》8月上映 被靚仔喪屍咬完爺爺也回春

影視娛樂

廣告

近年,韓國都拍咗唔少喪屍題材嘅電影,而8月8日將會有韓國爆笑喜劇《搶錢大屍殺》即將上映。唔好以為喪屍片一定好恐怖,今次呢套《搶錢大屍殺》係以喜劇為主題,淨係睇預告已經勁多笑位。

撰文:SY|資料來源:Bravos Pictures

俾喪屍咬到竟然會回春

《搶錢大屍殺》講述韓國藥廠搵咗唔少大學生同失業人士做非法人體實驗,但因為實驗出錯,屍朗(鄭家藍 飾)變成喪屍,仲離開咗實驗室。屍朗被朴氏一家發現後,捉咗返屋企。

搶錢大屍殺
屍朗被朴氏一家發現後,捉咗返屋企。

點知喺捕捉過程中,爺爺朴大霧(朴仁煥 飾)唔小心被屍朗咬中,但佢冇變成喪屍,仲「逆生長」變得年輕!所以朴氏一家決定把握呢個發達機會,向村民推銷,以喪屍作招徠賺錢。

搶錢大屍殺
爺爺朴大霧唔小心被屍朗咬中
搶錢大屍殺
俾喪屍咬完變得年輕

韓國重量級演員

除咗近來被韓媒封為「大勢人物」嘅金南佶外,仲請咗唔少韓國重量級演員:鄭在詠、嚴志媛、朴仁煥、李秀慶及鄭家藍。

搶錢大屍殺
搶錢大屍殺有唔少韓國重量級演員

金南佶近來被韓媒封為「大勢人物」,所主演的電視劇《熱血祭司》好好收視,仲喺《熱血祭司》播出期間榮登「電視劇演員」話題性第一位!今次金南佶喺《搶錢大屍殺》入面,飾演朴家二哥,係屋企入面嘅「最強大腦」,喺預告裡已經睇到,佢向家人解釋喪屍係點形成。

搶錢大屍殺
金南佶向家人解釋喪屍係點形成

而喺《搶錢大屍殺》入面有另一個角色,必定要留意!就係新生代演員鄭家藍,佢係孔劉、孔孝真、金材昱嘅同門師弟,曾憑著韓國電影《4等》,得到有韓國奧斯卡之稱嘅「大鐘獎」-最佳男子新人獎。鄭家藍最近仲同女神金所炫拍攝Netflix劇《戀愛鈴》。

搶錢大屍殺
新生代演員鄭家藍,佢係孔劉、孔孝真、金材昱嘅同門師弟。

喺《搶錢大屍殺》中,鄭家藍飾演喪屍,但一啲都唔得人驚,因為佢唔愛咬人,仲鍾情食素,同李秀慶更會發展一條純情愛情線。

搶錢大屍殺
鄭家藍同李秀慶會發展一條純情愛情線

《搶錢大屍殺》

上映日期:2019年8月8日
導演:李珉才
主演:鄭在詠、金南佶、鄭家藍
語言︰韓語
級別︰IIB
片長︰112分鐘
類型︰喜劇

 

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..