【太子食乜好】人氣小店!秘製香脆惹味金沙炸髀+豆腐鮮果沙冰系列
【太子食乜好】人氣小店!秘製香脆惹味金沙炸髀+豆腐鮮果沙冰系列

【太子食乜好】人氣小店!秘製香脆惹味金沙炸髀+豆腐鮮果沙冰系列

(Presented by 髀魔)

無論你係咩年紀,相信都一定食過港式炸髀!好似 「髀魔」老闆 Stephen就坦言,自細已經係炸髀狂熱份子,可惜隨時代變遷,呢種要花耗大量時間同功夫,又講究食材技巧嘅經典港式美食,近年喺香港已經好難有機會食得到,亦因而促使本身從事廣告嘅佢下定決心,自創一家港式炸髀專門店展開「髀魔」人生!

前星洲酒店行政總廚助陣

開店前從未接觸過飲食業嘅Stephen,雖然本身對廚藝一竅不通,但就堅持自家出品嘅炸髀,喺味道同品質上都要做到高水準先至會正式開舖,因此不惜花咗幾個月時間,四出向有飲食業經驗人士請教,鑽研最啱香港人嘅口味及製作方法,而呢個時候喺新加坡香格里拉大酒店做行政總廚嘅姨丈賢哥,咁啱又展開退休生活,仲好有心咁幫手設計咗多款既惹味又富有香港,或新加坡風味特色嘅炸髀出嚟,二人一拍即合後,「髀魔」首店終於喺舊年登陸西貢。

太子食乜好
每隻黃金魔髀有成500克重,接近成人手掌咁大份,好食又搶眼!面頭嘅鹹蛋黃醬食落仲有粒粒鹹蛋黃,味道同口感層次豐富。

用心專注每個製作細節

招牌黃金炸髀外皮甘香鹹脆,雞肉軟滑多汁,加上採用坊間少見嘅美國斧頭髀,每隻都份量驚人,所以好快就成為全港人氣街頭小食,吸引大家排隊試食同打卡!咪以為整一隻炸髀好容易,原來每隻雞髀由沾粉到分階段油炸至熟,再到搽醬料足足要半個鐘,絕對稱得上Slow Cook!大廚賢哥表示,每隻雞髀會預先以60度慢火油炸25分鐘至七成熟,到落單時再用120度猛火油炸多5分鐘至全熟,同時逼出多餘油份,所以雞髀外皮零舍甘香脆口,雞肉仍保持彈滑多汁。

太子食乜好
麻辣魔髀係專為嗜辣之徒設計,麻香逼人且辣勁十足!每隻重500克或以上,比一般雞髀重多200-300克,怕食唔晒可以揀返300克嘅普通Size。

多款本地原創吸Like口味

好多人食完黃金魔髀後,都異口同聲表示味道好有新加坡風味!Stephen聽後笑住話,因為大廚賢哥喺星洲酒店工作多年,所以特別設計咗呢款極具星洲風味嘅鹹蛋黃醬俾大家,而且仲嚴選咗新加坡優質鹹蛋黃,先蒸熟後攪碎,同時加入其他產地嘅鹹蛋黃、咖喱葉同辣椒等多種香料混調而成,所以食落會有唔同嘅鹹蛋黃香味,仲特登加入鹹蛋黃粒嚟增加質感,而鹹蛋黃醬就會一直熱住以保持最佳狀態!另有麻辣同椒鹽,兩款港人至愛口味。

太子食乜好
經典魔髀係最地道嘅香港椒鹽味,即係大家由細食到大嘅味道!每份外賣都會好貼心咁,免費附送包含牙簽、手套同紙巾嘅3合1小包裝。
每隻雞髀由上粉到分段油炸,整個過程要花上30分鐘,絕對係慢功出細貨。

隔日果欄入貨新鮮水果沙冰

食炸髀梗係要飲返杯凍飲解渴消暑啦,尤其而家一出街就熱到溶咗嘅炎炎盛夏!「TEA魔」同「魔髀」為鄰,兩者係姊妹店。為迎接暑假Stephen自創咗幾款特色飲料,推介有選用本地豆腐製作,原創口味嘅「白雪飄沙」;仲有芒果味濃郁鮮甜又有少少芝士鹹香嘅「Tea芒芝黃金沙」;同埋啖啖清甜鮮菠蘿果香,富芝奶鹹香嘅「鮮鳳飄飄雪沙」。Stephen笑稱,由於夏天鮮果儲存期短至兩日,所以隔晚一收舖就會親自揸車去果欄入貨,亦因為咁水果沙冰每日限量供應,售完即止。

自創「白雪飄沙」係全港獨家口味!每杯用咗一磚本地豆腐製作,入口順滑軟綿,豆香濃淡有致,質感稠身似雪糕。芝士奶蓋綿密得嚟又有淡淡芝士鹹香,撈勻後飲更有風味。
同屬原創口味嘅「Tea芒芝黃金沙」,每杯用咗1.5個呂宋芒攪拌而成,入口芒果味即時充滿成個口腔,令人有種愉悅感。建議先由底層果肉飲起,再到中間稠身果汁,最後撈埋上層芝士奶蓋一齊飲營造多重味覺享受。
清爽鮮甜嘅「鮮鳳飄飄雪沙」同樣打入人氣榜!難得用上新鮮靚菠蘿調製,仲特別走奶蓋等大家飲到最新鮮無添加嘅清甜鮮果汁,唔單止好味解渴,更含豐富維他命又幫忙消化,仲有抗炎功效𠻹!

炸髀以外其他小食推介

魔髀以外,呢度仲有魔翼、雞粒、雞軟骨、魷魚鬚、薯角、花枝丸等肉類海鮮小食選擇。想食得健康清新啲,建議試吓外脆內滑嘅本地豆腐、秋葵、涼瓜,仲有日本地瓜、日本南瓜、富士蘋果同地捫香蕉等鹹甜炸物。口味分別有梅粉、椒鹽、麻辣同黃金(蛋黃醬)4款。

心多多想試食多幾款小食,不妨自由配搭小食拼盤,同屋企人或朋友開心Share。
「椒鹽金粒豆腐」係太子店另一人氣皇牌小食,每日賣出多達60份!
「黃金秋葵」外層鹹蛋黃醬甘香鹹脆,同秋葵本身獨有嘅甘鮮清脆非常之夾 ,毫無油膩感。
「甘梅日本地瓜」採用日本地瓜,外層梅粉酸甜生津,內裡地瓜糯甜高纖,令人回味!
經典雞軟骨,灑上自家調製椒鹽,惹味又有嚼勁。
「黃金魷魚鬚」脆口惹味,叫人想再三添食。

太子、西貢及深圳3家分店

想搵到佢哋太子新店嘅蹤影,只要一出太子港鐵站C2出口,直行幾步就到啦!假如你係西貢人,或者放假入西貢玩,記得去埋福民路總店幫襯呀,事關大廚賢哥每日都會喺度親身坐陣,包你有靚炸髀食!又或者暑假週末約開朋友上深圳玩,可以坐地鐵2號線嚟到后海站附近保利文化廣場,髀魔喺國內開設嘅首家分店,嘆返隻脆口甘香又惹味嘅黃金魔髀啦!而家只要買雞髀或者小食,再追加沙冰,仲會免費贈送額外$10優惠,實行用優惠幫大家消暑降溫!

「髀魔」舖面巧妙咁融入姊妹茶店「TEA 魔」變出一舖兩店,體現出香港人靈活多變嘅精神。買炸髀小食順便買埋嘢飲,一舉兩得!

髀魔-雞髀第一店(太子店)

地址:太子太子道西104-106號璟璜大廈地下1B號舖

營業時間:星期一至日1400 – 0100

髀魔-雞髀第一店(西貢店)

地址:西貢福民路58號高富樓18號地舖

營業時間:星期一至日1200 – 2000

髀魔-雞髀第一店(深圳海岸城

地址:南山海岸城保利文化廣場AB206

營業時間:星期一至日12:00-01:00

最新吃喝玩樂資訊