東京迪士尼推出電子Fast Pass 用手機慳返排隊時間
東京迪士尼推出電子Fast Pass 用手機慳返排隊時間

東京迪士尼推出電子Fast Pass 用手機慳返排隊時間

日本東京迪士尼係唔少遊客必去嘅地方,但要入去玩機動遊戲,次次都要衝去排隊拎Fast Pass,減少等候嘅時間。當地營運商Oriental Land公布,東京迪士尼樂園、東京迪士尼海洋自今日(7月23日)起,可以利用智能手機領取Fast Pass。正呀!

撰文:SY|資料來源:tokyodisneyresort.jp

日本東京迪士尼唔少機動遊戲都要排隊,所以園內就使用Fast Pass制度。入場嘅人可以喺想玩嘅機動遊戲前面領取Fast Pass,然後喺指定時間報到,就唔使排隊啦。但係喺拎傳統Fast Pass嗰個位,通常都會有人龍。

傳統領取Fast Pass方法

園內使用Fast Pass制度
喺想玩嘅機動遊戲前面領取Fast Pass
喺想玩嘅機動遊戲前面領取Fast Pass
喺指定時間報到

營運商Oriental Land公布,由今年夏天開始,除咗可以用傳統方法拎Fast Pass之外,遊客仲可以利用智能手機領取17個熱門設施嘅Fast Pass,連排隊嘅時間都慳返!

可以利用智能手機領取17個熱門設施嘅Fast Pass

利用官方App領取Fast Pass

只要用官方App「Tokyo Disney Resort」(在日本APP Store或Google Play下載以及需要申請帳號登入),Scan咗自己同朋友嘅門票,就可以選擇你想領取嘅Fast Pass,真係超級超級方便。

連排隊嘅時間都慳返

不過,電子Fast Pass和傳統Fast Pass一樣,拎完一次之後,需要隔兩個鐘先可以拎另一設施嘅Fast Pass。

電子Fast Pass
在日本APP Store或Google Play下載以及需要申請帳號登入
官方App「Tokyo Disney Resort」
可以選擇你想領取嘅Fast Pass

現時美國同上海迪士尼都有引入手機領取Fast Pass制度,但就有日本網民話自己喺上海體驗過該系統,因為太多人用電話拎Fast Pass,最後需要不停更新頁面先拎到。

最新吃喝玩樂資訊