激安
激安

網民投訴激安殿堂水蜜桃「有蟲」 食後患腸胃炎屙足10次

飲食

廣告

日本最大的連鎖雜貨店《驚安の殿堂ドン・キホーテ》(激安殿堂)近日首間分店登陸香港,吸引了不少人去「打卡」朝聖。打卡時就少不了購物,近日一位網民就在FB群組表示自己因「激安熱潮」下購入3份日本水蜜桃,豈料食用時驚見桃心有多隻蟲蟲,在不知情的情況下已經食了一隻桃,當晚已開始肚瀉,翌日確診患上腸胃炎。

撰文:GW|來源:中伏飲食報料區

網民帖文中指出,她14日在激安殿堂買了三份水蜜桃,仲因為唔會全部即日食晒,叫店員幫眼睇吓邊啲無咁熟可以多擺一兩日。16日時切開時發現好多隻蟲喺桃心入面走出嚟,但在不知道的情況下已經食咗一隻桃落肚。

結果當晚凌晨就開始肚瀉,第二日仲頂唔順走咗去睇醫生,最後被確診患上腸胃炎。由影片可見,桃心已變黑,睇落已有小小壞掉,仲有黑色蟲仔走嚟走去,異常嘔心。帖主提醒大家「間舖出名唔一定啲貨靚」,仲擔心會唔會連其他生熟食都唔乾淨!

帖文一出,引來大量網民在底下留言,「激安熱潮=中伏熱潮,日日都有人中伏!」、「其實好多桃入面都有蟲,會唔會係你無注意最佳食用日期?」、「報咗食環未?」,也有其他網民指出,激安嘅生果新鮮度真係未必贏到其他日式超市,買完嚟食真係有「後悔」嘅感覺。如果大家都有係同一間店舖買同樣的水蜜桃,進食時就要更加注意會唔會意外食咗蟲仔了!

【影片】

https://www.facebook.com/698132263571269/videos/395610334495091/

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..