夏日搵食好去處!嚟尖沙咀棉登徑8號盡享多國美食@Miss Sunny
夏日搵食好去處!嚟尖沙咀棉登徑8號盡享多國美食@Miss Sunny

夏日搵食好去處!嚟尖沙咀棉登徑8號盡享多國美食@Miss Sunny

Sunny到處發掘美食新地點,尖沙咀棉登徑8號係佢近期頭號心水選擇,無論日本菜、火鍋,抑或甜品,都可以喺呢度搵到啱你口味嘅美食,加上地點又就腳,約閨蜜傾計食個High Tea,三五知己定一大班朋友嚟Gathering,簡直一流!

(Presented By 8 Minden Avenue)

尖沙咀棉登徑8號美食地標

好多時約朋友食飯,諗極都唔知去邊度食好,但嚟尖沙咀棉登徑8號就解決搵食呢個煩惱啦!呢度集合多國美食,總有一間合你心水,諗起都食指大動呀!即刻為大家介紹有咩食先!

多國美食任你揀

日本菜向來都係大家嘅首選,Sunny對居酒屋更係情有獨鍾。最新登場嘅「平成」,濃濃嘅日式風情。「丼」係呢度嘅招牌菜,以各種日本食材炮製,睇見都口水流呀!

棉登徑8號
月見燒廣島蠔丼
棉登徑8號
黑松露鹿兒島和牛丼及三重芝士火山燒咖哩牛肉丼
棉登徑8號
紫薯沙律就係夏天最新推介!係日本人食串燒前嘅餐前小吃,醃漬過嘅熊本紫薯口感順滑,非常清新美味!
平成
棉登徑8號G17
平成
尖沙咀棉登徑8號地下G17號舖

「南亭」係香港第一代日式串燒居酒屋,入面以木為主嘅日式設計好有氣氛架!而家仲可以自己拎海鮮嚟,俾少少加工費就有師傅即刻燒添,或者提前預訂亦得,啱晒鐘意去居酒屋嘅朋友!

南亭
尖沙咀棉登徑8號地下G9號舖

無牛不歡嘅朋友一定要嚟「YAKINIKU MORE牛魔」。其中必食嘅係A4和牛牛肩肉薄切配蘋果條,仲可以食到45日熟成肉眼扒,牛味濃郁,一定要試。仲有仲有,記得要試埋「深海奇兵」帶子海膽伴牛油果醬嘅前菜,水準一流。

A4和牛牛肩肉薄切配蘋果條
45日熟成牛Prime肉眼
深海奇兵
YAKINIKU MORE牛魔
尖沙咀棉登徑8號地下G5-G6號舖

「黑門水產」梗係食海鮮出名啦,唔使飛到日本都可以食到日本直送嘅刺身、活貝燒同甲羅燒,即叫即燒,非常鮮味!

黑門極上刺身
極上黑門活貝盛合
赤鬼蟹味噌甲羅燒
黑門水產
尖沙咀棉登徑8號地下G3-G4號舖

有K 唱又有邊爐打,一次過滿足晒兩個願望!「養心殿台式養生鍋」嘅養生鍋,用人蔘同多種名貴藥材等熬製,夠滋補呀!

招牌養生鍋
約埋一大班Friend唱住K、打住邊爐,爽!
養心殿台式養生鍋
尖沙咀棉登徑8號地庫B/F, A號舖

「一蘭」除咗食招牌天然豚骨湯拉麵外,記得試埋豬腰脊肉,用煙燻醬汁燉,配飯或拉麵,Yummy!食埋原創甜品 「抹茶杏仁豆腐」,超圓滿!

天然豚骨湯拉麵
燉煮豚肉燒及抹茶杏仁豆腐
一蘭
尖沙咀棉登徑8號地庫B/F, B號舖

想約三五知己傾下計,High Tea下,就緊係去「Maison Eric Kayser」啦!炎炎夏日一邊歎杯 Coffee或者Smoothie,一邊食住精選三文治同埋紅莓開心果撻,輕輕鬆鬆歡度一個下午。

用杞子及亞麻籽搓成的麵包,拌入法式肝醬、芫荽同自家製醃菜,好健康呀。
多款味道Smoothie,即叫即製,So Cool,再配搭紅莓開心果撻,充滿杏仁香嘅鬆脆撻皮,酸酸甜甜嘅開心果,夠晒滋味。
Maison Eric Kayser
尖沙咀棉登徑8號地下G1-G2號舖
樣樣都咁吸引,Sunny忍唔住又要約朋友去食餐好。仲想知有咩其他美食?一於自己親身嚟發掘一下啦!

最新吃喝玩樂資訊