9蚊萬能遙控隨便轉台冇難度 出街屋企都用得!｜新品速遞

撰文：海月丨圖片：深水埗電子特賣城、Facebook | 原來：東方新地｜編輯：電視精

電視節目有好多種，但就唔係個個都啱睇！近期就出現咗「轉台潮」，大家都話屋企人鍾意睇嘅節目唔啱自己睇，紛紛都話想幫屋企轉台！但次次要轉台時搵唔到遙控器，要買番 原廠遙控器，除了麻煩外，價錢仲非常昂貴。

以廉價知名的「深水埗電子特賣城」最近在Facebook發文，以超抵價9蚊出售「神奇 1200 合 1 無敵萬能電視遙控」。使用方法亦相當簡單，只要先對準電視，再緊按遙控的 + 掣，直至電視畫面有反應即能配對成功。

雖然部遙控出街都用到，不過深水埗電子特賣城就提醒大家， 幫屋企人轉台好啦，唔好到人哋舗頭都轉台，引起爭執就唔太好啦！

深水埗電子特賣城

營業時間：星期一至日 10:00 am- 10:30 pm

地址：位處深水埗福仁商場地面（深水埗港鐵站D2出口步行只需1分鐘就到）

Android手機 萬能遙控器App

怕成個電視遙控拎出街好大舊？亦有網友表示網絡上有免費的萬能遙控器App可供下載，同樣可以不限電視型號和牌子就能轉台。只要 Android 手機設有紅外線埠，就可以試用此功能。

Twinone Universal TV Remote

大家可在APP上搜尋自己的電視型號，但要注意配對較花時，因為APP內的電視型號未必與市面上的型號相符。

此外，亦有網民表示所用的「LG」手機已具備「萬用轉台」功能，笑言「經常幫屋企人轉台」。網民亦紛紛留言「有冇啲轉完一次台，就可以鎖台嘅遙控器？」、「我期待嘅畫面終於出現！」、「我要做轉台師！」、「喂呀~~~我有好多電視要轉呀！」、「記住播緊廣告先好轉，無咁明顯」。