正宗川味麵店進駐大埔 日日鮮製秘製無添加魚湯 自家農場食材夠放心
正宗川味麵店進駐大埔 日日鮮製秘製無添加魚湯 自家農場食材夠放心

正宗川味麵店進駐大埔 日日鮮製秘製無添加魚湯 自家農場食材夠放心

Photo by Woody

(Presented by 百味川)

鐘意川菜嘅人有口福啦!最近有間正宗川味麵店進駐大埔,百味川主打無添加食材,食得夠放心!入到門口,最吸睛嘅就係抬頭見到大大個招牌寫住:「出品如生命,一樣重要」。呢個就係百味川3位90後年輕人由澳洲讀書回流後開設呢間川式粉麵店嘅宗旨。三個年輕老闆都鍾意食。佢哋覺得食物除咗好食之外,食材、品質都好緊要,因為佢哋都係鍾意食嘢嘅人,希望做出嚟嘅食物令人客食完回味之外,仲要健康。

老闆深明川菜唔可以只有死辣,而係要香麻鮮,由湯底到用料都要好講究先可以做到層次千變萬化!食材講究又唔一定貴,百味川主打平民化,價錢都相當親民,仲有幾款湯底俾你揀,例如主打嘅酸菜魚湯底、麻辣湯底同埋唔食辣都啱嘅蕃茄湯,揀完湯底仲有唔同麵底揀,除咗米線,仲有扭紋薯粉同埋淮山麵添!

招牌酸菜魚湯麵 日日鮮製湯底

酸魚菜其實起源於重慶四川嘅民間嘅家常菜,老闆特地去重慶拜師學習當地人嘅傳統製法,再加上改良成為啱香港人口味漬變成為今日店舖嘅招牌菜。所有酸菜同埋醃菜都係由重慶鄉村嘅農地自家種植,新鮮運嚟香港熬湯所以夠晒新鮮又唔油膩!

除咗湯底,鮮魚片唔係好似坊間食開會用有骨嘅鯇魚片,而係用貴一級嘅龍脷柳代替,除咗啖啖肉之外,更加唔會有骨食落夠滑溜更鮮。

招牌酸菜魚湯麵 $56

超好食家鄉秘製紅燒肉麵

其中一個老闆係上海人,就用咗古傳方法秘製肥瘦相間嘅五花腩肉,所以紅燒肉食落又香又軟彈好似入口即溶咁,但唔會感到太肥膩,酸甜味又啱啱好!

家鄉紅燒肉麵 $48

多款湯底任揀 有辣有唔辣

麻辣湯麵 $28

百味川嘅麻辣湯底用上四川同埋重慶供應商提供嘅原材料製作,用上超過十幾種唔同辣椒、花椒同埋香料炒制而成,先可以做到多種層次感。所以老闆多次到訪重慶四川向本地人學習研製麻辣湯底,再改良成為適合香港人口味嘅湯底,唔會太搶口同埋太油膩,食完更加唔會口渴,鐘意食麻辣嘅一定一試上癮!

蕃茄湯底 $30

蕃茄湯底要夠口味,其實一點都唔簡單!呢個百味川獨門秘製嘅蕃茄湯底,老人係每日堅持以晨早6點用上最少40斤新鮮蕃茄煲制足料蕃茄肉而成,完全唔加味精,鮮甜帶酸味,食到啖啖茄肉,最啱食唔到辣嘅客人,配合麵一齊食夏天寧舍開胃。

蕃茄酸辣湯底 $32

呢個湯底係將秘製嘅蕃茄湯底加上酸辣湯底而成,認真係甜酸辣有,口感豐富仲好有層次感,真係估唔到蕃茄嘅鮮味同秘製嘅酸辣係咁夾!

自選配料 +$7 起

牛展、麻辣豬耳、雞翼、竹笙、豬手都係店家最大受歡迎嘅自選配料。牛展夠爽滑,豬耳又爽口,仲有燜得夠腍又入味嘅豬手,隨自己喜好嘅湯底再加埋自選配料,鐘意點食都得!

地址:大埔安慈路1號海寶花園地下15號舖

營業時間07:00 – 23:00

最新吃喝玩樂資訊