今個中秋同Hello Kitty + My Melody+ PC狗 + AP鴨 一齊食果味乳酪奶皇月！
Sanrio粉絲注意啦！奇華餅家今年中秋同Sanrio嚟大聯「萌」呀！就係第一次同Sanrio四大人氣角色聯乘慶祝中秋，除咗有Hello Kitty，當然唔少得仲有My Melody、Pochacco (PC狗)同Ahiru no Pekkle (AP鴨)，味道方面都好有突破，就係首創嘅「果味乳酪奶皇月」，好窩心咁仲有唔同禮盒配搭，包括四個裝同埋單個裝禮盒，自私食或者送俾人都好啱！仲有Sanrio迷必儲嘅多款精美又實用嘅期間限定精品𠻹！
Sanrio四大人氣角色造型 「萌」足100分！
今次呢個聯「萌」果味乳酪奶皇月餅除咗個包裝同埋月餅都有角色大頭造型之外，仲有分Sanrio果味乳酪奶皇月禮盒 (四個裝)同埋單個裝嘅Hello Kitty、 My Melody、 PC狗或AP鴨乳酪奶皇月禮盒，四個裝可以送俾親友，單個裝就可以揀自己最愛嘅Sanrio角色，真係好細心呀！
印有Sanrio四位人氣角色一同聚首賞月的四個裝禮盒，分別印有Hello Kitty、My Melody可愛頭像嘅「草莓乳酪奶皇月」同埋印有PC狗同埋AP鴨嘅「香橙乳酪奶皇月」，一次過試晒兩款新口味！「草莓乳酪奶皇月」，用上嚴選優質乳酪奶皇，味道酸酸甜甜好清新，仲有粒粒嘅草莓乾，有咬口兼有層次感！「香橙乳酪奶皇月」，咬落去食到粒粒甘香嘅橙皮，混埋酸甜幼滑乳酪奶皇餡，有嚼勁亦好有驚喜！
萌爆嘅角色大頭造型印咗喺金黃色酥香鬆化嘅外層上，真係睇見已經好想食，隨禮盒仲更附送印有Sanrio四位角色嘅精美環保袋乙個，可愛又實用，Sanrio粉絲點可以錯過！
如果想自私食兼「私有化」其中一個Sanrio角色，就有單個裝禮盒設計，可揀分別印有Hello Kitty或My Melody頭像嘅單個裝「草莓乳酪奶皇月」；或印有PC狗或AP鴨頭像嘅單個裝「香橙乳酪奶皇月」；配上燈籠外型嘅禮盒，充滿節日氣氛之餘，大人同小朋友都可一邊食住月餅賞月，一邊玩燈籠！果然係好窩心呀！ 無論四個裝定還是單個裝，全線奇華門市有售。
換購Sanrio限定精品
Sanrio迷唔好俾佢停！由即日至9月13日期間，只要購買奇華任何產品折實滿港幣80元正，即可以優惠價港幣30元正換購「Sanrio餐具套裝」同埋「Sanrio迷你陶瓷碟」 各一份或以優惠價港幣38元正換購「Sanrio摺疊式餐盒」一個，環保之餘仲可以拎出街用添！精品數量有限，快啲去換啦！
另外如果你鍾意即焗即食就啱啦！灣仔旗艦店而家有期間限定新鮮焗製「Sanrio現烤果味乳酪奶皇月」，分別有草莓乳酪同埋香橙乳酪，仲備有印上可愛趣致Sanrio角色嘅現烤紙盒，可盛載四個Sanrio嘅「現烤果味乳酪奶皇月」。
凡購買「Sanrio現烤果味乳酪奶皇月」系列 (四個裝)，仲可獲贈「Sanrio迷你陶瓷碟」一隻或「Sanrio餐具套裝 (餐匙及餐叉)」一套。又係數量有限，仲唔即刻去買？
Sanrio現烤果味乳酪奶皇月銷售點：
奇華灣仔旗艦店
地址：皇后大道東188號地下
Sanrio果味乳酪奶皇月餅禮盒 (四個裝/單個裝) 銷售點：全線奇華分店 (海洋公園分店除外)
