陳浩民
陳浩民

出席橫店見面會 陳浩民驚變Mario嚇親粉絲

影視娛樂

廣告

現年45歲嘅藝人李若彤同49歲嘅陳浩民,曾經喺TVB劇集《天龍八部》中分別飾演王語嫣同段譽,二人日前喺浙江橫店影視城為此劇播出22周年舉行見面會。李若彤Keep得好就係人都知,不過久未喺香港露臉嘅陳浩民皮膚突然變膠,加埋「二撇雞」就被指似足卡通人物Mario

撰文:Evita |圖片:橫店影視城微博陳浩民微博

陳浩民出席見面會 驚變Mario?

日前陳浩民同李若彤出席喺橫店舉辦嘅《天龍八部》22周年粉絲見面會,李若彤一身黑色短袖上衣,配以藍白色碎花半身長裙示人,仙氣十足,可謂係凍齡女神。

同場嘅陳浩民著上一身灰色西裝,身型就無咩點變喇,不過臉部蘋果肌寧捨飽滿突出,濃眉加上「二撇雞」造型令人不禁聯想起卡通人物Mario……

對比1997年《天龍八部》嘅劇照,陳浩民而家肌膚更緊緻同透亮,唔通真係逆齡生長?

對於畀人話佢整容,今早陳浩民就喺自己微博發布一張同老婆蔣麗莎嘅合照,寫道:「不是靠顏值吃飯的我居然靠臉上了熱搜榜第一位!下次大家見到我,努力、使勁地用美顏效果吧!」暗示粉絲見面會當晚被拍嘅相片只係使用咗美顏功能,而非整容。

睇返佢上載過嘅自拍照,又真係無粉絲會嗰啲咁有膠味,不過塊臉就真係比以前瘦晒喇!

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..