日本超萌「齊陰瀏海」貓咪 露出無辜眼神+黑色圓痣融化你心
日本超萌「齊陰瀏海」貓咪 露出無辜眼神+黑色圓痣融化你心

日本超萌「齊陰瀏海」貓咪 露出無辜眼神+黑色圓痣融化你心

好多人都鍾意貓咪,除咗因為佢哋個樣好可愛,好多人都鍾意摸貓咪柔軟嘅肉球。日本呢隻貓咪喺Instagram爆紅,全因為佢有一把齊陰瀏海,真係好萌呀!

撰文:KM | 圖片來源:[email protected]

日本齊陰瀏海貓咪おまめ

日本呢隻貓咪おまめ,擁有一雙水汪汪嘅綠色大眼睛同灰白嘅身軀,最特別之處係佢額頭上灰色嘅毛,真係好似一把齊陰嘅瀏海,好可愛呀!

おまめ擁有一雙水汪汪嘅綠色大眼睛
おまめ經常露出一副好無辜嘅表情

おまめ嘅齊陰瀏海,再加上佢右邊臉嘅黑色圓痣,係おまめ獨有嘅標誌,就連主人都話佢好似可愛嘅小狗。

おまめ表情多多,真係好可愛㗎!
おまめ最鍾意望實鏡頭留倩影

表情包おまめ

おまめ平時表情多多,有時碌大對眼仔,有時會集中望住同一個地方,露出一副好無辜嘅表情。

おまめ露出慘慘嘅表情
主人惡搞おまめ,將佢無辜嘅眼神無限放大。

おまめ瞓醒覺起身個樣都好可愛㗎!望住佢瞇起對眼,好似未瞓醒嘅樣,有時都幾似嬲樣㗎!

おまめ啱啱瞓醒覺
可唔可以畀我瞓多陣呀!
攬住小被被瞓覺真係好安心
おまめ可愛睡相

主人同おまめ玩嘅時候,仲試過幫佢整咗個藍色爆炸頭嘅造型,相當趣緻。不過おまめ露出一副不情願嘅樣,睇嚟佢都係鍾意自己嘅瀏海多啲喎!

主人幫おまめ整咗個藍色爆炸頭嘅造型
おまめ最鍾意玩貓屋

主人會不定期喺Instagram更新おまめ有趣嘅影片,一齊睇下佢有幾可愛啦!

最新吃喝玩樂資訊