一田超市 牛油果雪糕！期間限定發售 榴槤雪條＋粟米味雪糕｜超市買呢啲
廣告
一田超市最近舉行雪糕甜品祭，多間甜品店和食品公司都有參與，其中最具特色就是榴槤伯伯推出的牛油果雪葩！不含香精和人造色素，食得安心又放心，另外還有貓山王榴槤和菠蘿蜜雪葩，味道爽甜又濃郁。除此之外，場內還有多款特色零食，推廣日期由即日起至2019年7月29日，大家記得去掃貨啦！
撰文：Sakura 攝影：Sakura
一田超市甜品祭 牛油果雪糕上架！
甜品控注意！一田超市甜品祭正式開鑼啦，由即日起至7月29日！場內有多間零售商和食品公司，提供一系列特色甜品，其中榴槤伯伯有3款口味雪葩，分別是牛油果、榴槤和菠蘿，全無香精和人造色素，可安心食用。
1.牛油果雪葩
當中最特別就是牛油果口味，在坊間十分少見，食落質地軟滑，口感有幾分似牛油果。
2.貓山王榴槤口味雪葩
另外還有貓山王榴槤口味雪葩，食落榴槤味強烈，非常濃厚，榴槤fans不要錯過！
3.菠蘿蜜口味雪葩
而菠蘿蜜即是大樹菠蘿味，食落酸酸甜甜，很開胃，清涼解渴，夏天食就最適合！
山下菓子 100%果肉雪條
著名甜品店山下菓子，亦推出兩款100%純果肉製成的雪條，分別有金枕頭榴槤雪條和泰國象牙芒果雪條。榴槤雪條造型的骰，呈榴槤果肉形狀，好得意，食落會咬到一絲絲榴槤肉，很香甜的榴槤味，不錯。
另一款芒果雪條，選用泰國100%芒果肉製成，芒果清甜，帶陣陣芒果香，食落爽甜，口感一流，好像食真的芒果一樣。
北海道製粟米味雪糕！
記者推介！出產於北海道的粟米味雪糕，打開雪糕creamy，非常香滑，食落味道極像粟米濃湯，充滿粟米的甜味，很正！
一田超市雪糕甜品祭
地點：全線11家一田超巿
推廣日期：由即日起至2019年7月29日
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
