沖繩大自然的美味盛宴   即開生蠔+海鮮拼盤+炙燒波士頓龍蝦+阿古豬
沖繩大自然的美味盛宴   即開生蠔+海鮮拼盤+炙燒波士頓龍蝦+阿古豬

沖繩大自然的美味盛宴 即開生蠔+海鮮拼盤+炙燒波士頓龍蝦+阿古豬

(Presented by Royal Park Hotel)

Dining娜上星期曾到訪過帝都酒店,發覺每家餐廳都增添咗唔同嘅沖繩特產美食同飲品。原來7至9月係沖繩夏季,當地好多特產正好進入當造季節,所以酒店特別將各種特產加入Menu內,其中重點推介有 2+2 café 嘅「仲夏沖繩鮮味.海鮮自助晚餐」!豐富美食陣容包括:即開生蠔、炙燒波士頓龍蝦、海鮮拼盤、魚生刺身、阿古豬海鮮清湯火鍋、雪鹽薄燒M5和牛、海葡萄鮑魚沙律、風味冷麵等,以及沖繩主題甜品,誓要以各種沖繩美食踢走暑熱悶氣!

帝都酒店
2+2 café現場環境佈置得好有日式料理同居酒屋風格。

即開生蠔+海鮮拼盤+魚生刺身+炙燒波士頓龍蝦

當你好掛住那霸泊港魚市場裡面各種即日鮮捕、鮮甜肥美且價錢超抵嘅海鮮水產時,Mastu (等等)!呢度亦搜羅咗多款嚟自日本,以至環球嘅時令海鮮拼盤,包括有即開生蠔、松葉蟹腳、半殼青口、藍青口、凍蝦等。除咗冰鎮冷盤外,仲有沖繩常見嘅鹽烤做法。現場亦有炙燒波士頓龍蝦,配以菠蘿蛋黃汁或黑糖味噌汁,兩款一甜一鹹嘅沖繩特產調味醬汁。

帝都酒店
松葉蟹腳、半殼青口、藍青口同凍蝦等「時令冰鎮海鮮」無限量供應,配上自選醬汁,口感更佳。
帝都酒店
現場所見每隻生蠔都肥美飽滿,入口鮮甜多汁且海水味豐。
現場仲有專人為大家即場開蠔,畫面甚有睇頭。
生蠔區以海天一色嘅漁人碼頭做背景,置身其中令人心曠神怡。
至於永遠高踞人氣三甲嘅魚生刺身,同樣有專人現場切割準備。
「炙燒波士頓龍蝦」龍蝦肉質鮮嫩彈牙,煎香後蘸上沖繩菠蘿蛋黃汁或者黑糖味噌汁,再用火炭燒至金黃微焦,大幅提升龍蝦肉嘅鮮味,Umami縈繞舌尖上久久不散。
龍蝦同樣由師傅喺Open Kitchen為大家即席灸燒,保證新鮮!

必食冷熱首選:阿古豬+和牛配宮古島雪鹽

沖繩人出名鍾意食豬,甚至去到「除咗叫聲以外全部都食」嘅熱愛程度,而阿古豬(Agu)係當地原生黑毛豬特有品種,由於肉質甘甜、爽嫩味美、零腥羶味,據說膽固醇含量只係一般豬肉嘅25%,加上數量稀少供應有限,所以又有「夢幻之豬」嘅美譽。雖然燉煮係當地最常見嘅烹調手法,但為咗令大家食到「夢幻之豬」最原本嘅真實滋味,今次自助餐分別以涼拌同火鍋,兩種一冷一熱又最簡單直接嘅烹調方式,完美呈現出阿古豬嘅味道同質感。

「蒜泥阿古豬」將阿古豬成幅蒸熟後再切成薄片,唔單止保留咗肉質鮮嫩甘甜嘅特質,更令人感受到油脂喺口裡面化開嘅獨特口感!除直接食用外,亦可伴以生蒜、熟蒜同花椒混調而成嘅風味醬汁佐食,食落甘而不膩、更添惹味。
「沖繩阿古豬海鮮清湯火鍋」選用阿古豬最肥美嘅五花肉部位,再加入藍青口、鮮蝦等海鮮同雜菜煮成高湯涮熟,營造出五花肉入口即化,兼瀰漫住層次豐富嘅海洋鹹鮮味,將湯汁濃度同鮮度一併昇華,絕對不容錯過!
「沖繩雪鹽薄燒M5和牛」特選上乘M5和牛放喺鐵板上,即場燒至七成熟,霜花同肉汁啱啱好被完美鎖住,仲散發出陣陣誘人肉香。
師傅會喺Open Kitchen為大家烹調和牛,同時灑上蘊含18種礦物質,被喻為「世界第一」,出名細膩幼滑嘅宮古島雪鹽嚟提鮮,保證原汁原味。
「沖繩雪鹽海鮮拼盤」現場即叫即燒鮮蝦、秋刀魚、多春魚、三文魚鮫等多款時令海鮮,再灑上沖繩名物雪鹽同蒜蓉嚟提鮮,令一眾海鮮更加鮮香四溢,香濃惹味得叫人難以抵抗。
「沖繩雪鹽海鮮拼盤」以最簡單常見嘅鹽烤方法,將一眾海產獨有清新鮮味完全突顯出嚟。

沖繩涼瓜三寶+涼拌冷麵

苦瓜係沖繩名物之一,尤其夏天當造季節,沖繩人好鍾意將苦瓜做成涼拌、炒蛋、Chanpuru(炒什錦)等地道料理。今次自助餐亦有中日合璧嘅香煎沖繩阿古豬涼瓜鹹蛋黃餅(熱葷)、清新爽脆嘅沖繩涼拌涼瓜(前菜沙律),同埋好特別嘅涼瓜蕎麥冷麵(主食)!低卡高纖嘅蕎麥麵係日本女生最喜愛嘅麵食首位,除咗嶄新涼瓜口味外,仲有另一沖繩三寶—紅芋口味,絕對要試!

「涼瓜冷麵」配上蔥花、木魚絲及冷麵汁,感覺清涼舒爽,最啱炎炎盛夏。

沖繩主題甜品區,重點推介逐樣數:

「沖繩海洋」香醇濃郁朱古力外層,配以沖繩菠蘿酒慕絲同海綿蛋糕,味道清香幼滑。加上充滿沖繩海洋氣息造型,並點綴有色彩奪目嘅朱古力貝殼,猶如一幅立體食用風景畫,叫人一試難忘!
「沖繩紅芋撻」以沖繩名物紅芋入饌,其營養價值高,卻較其他地瓜低糖,而且口感綿密香甜。以濃厚紅芋茸配上鬆脆牛油曲奇撻底,造型精緻優雅,口感豐富,令人一試傾心!
「西班牙油條配沖繩雪鹽朱古力醬」外脆內軟的西班牙油條,充滿玉桂香味。配以沖繩雪鹽同埋厄瓜多爾可可豆混調嘅朱古力醬,營造出鹹甜交融嘅獨特層次口味。

甜品區設有一個非常搶眼沖繩沙灘打卡位,大家更可以動手玩泥沙尋實,用匙勺舀起朱古力沙裡面嘅朱古力貝殼。

沖繩主題甜品區,佈置成童話小牧場般可愛精緻。
食完自助餐意猶未盡可走進期間限定店,搜羅最啱口味嘅沖繩特產,好似黑糖、海鹽、涼瓜麵、紅芋麵同菠蘿白酒等。
2+2 café位於酒店三樓。

而家只要Like埋酒店嘅Facebook專頁 https://bit.ly/32Whsv4,仲可尊享8月限定優惠𠻹!

帝都酒店「仲夏沖繩鮮味.海鮮自助晚餐」

供應日期:即日起至9月2日

供應時間:5:45pm – 10pm

價目*:成人$388起 小童$308起

地址:沙田白鶴汀街八號帝都酒店三樓

訂座電話:2694 3886

最新吃喝玩樂資訊