元朗YOHO MALL大型Food Court正式開幕!直擊9,000呎美食廣場+人氣街坊食店|區區搵食
元朗YOHO MALL大型Food Court正式開幕!直擊9,000呎美食廣場+人氣街坊食店|區區搵食

元朗YOHO MALL大型Food Court正式開幕!直擊9,000呎美食廣場+人氣街坊食店|區區搵食

元朗街坊有福啦!首個大型美食廣場Food Court 「Foodeli」正式登陸YOHO MALL!全場佔地9,000多呎,多達12間掃街小食店進駐,包括元朗街坊小店、中日韓泰菜式等,想食咩都有,記者為你現場直擊,睇下有咩最吸引!

撰文:Sakura 攝影:Cliff

元朗YOHO MALL 9,000呎美食廣場!

元朗街坊注意!首個大型美食廣場Foodeli終於開幕啦! 更設於元朗最大型商場YOHO MALL,全場佔地9,000多呎,場內有12間掃街小食店進駐,提供各式各樣街頭小食,如元朗街坊小店,各地菜式包括中、日、韓、泰等,場內更設有掃碼點餐,客人可以即時點選指定餐廳,再柯打菜式,然後再以八達通付款就完成,相當方便。以後街坊又多一個掃街好去處啦!

元朗大型美食廣場Food Court 「Foodeli」正式登陸YOHO MALL!
除了一般我點餐收銀處,場內更設有自助掃碼點餐。

Food Court記者精選5大餐廳逐間睇!

1.Bove 梳乎厘班戟小店

在葵芳、旺角等地區都設分店的人氣甜品小食店Bove,主打梳乎厘班戟, 即叫即做,蛋味香濃,食落口感軟綿,另外還有特色雞蛋仔,味道有趣,如阿華田脆脆、抹茶麻糬、羅宋湯等,咬落味道香脆,口感豐富。

人氣甜品小食店Bove
招牌梳乎厘班戟$44
鬆軟梳乎理班戟配上士多啤梨朱古力餡,味道香甜。
食落口感軟綿鬆化,士多啤梨味甜甜地,充滿蛋香。
阿華田脆脆口味雞蛋仔$30
咬落香脆,有好多阿華田脆脆,味道濃香。

2.阪神 日式大阪燒+章魚燒

阪神主打各款大阪燒、章魚燒、日式炒麵等日本美食。當中推介招牌章魚大阪燒,餡料豐富,配上濃厚醬汁和柴魚片,口感層次突出,惹味十足!另外章魚小丸子粒粒飽滿,十分足料。

阪神主打章魚燒、大阪燒等日式街頭小吃。
章魚小丸子現場即製,香噴噴!
章魚小丸子$32
粒粒脹卜卜,相當足料!
招牌大阪燒,餡料豐富。
章魚大阪燒$40
配上濃厚醬汁和柴魚片,外脆內軟,惹味十足。

3.元朗燒賣皇后街坊人龍店

相信大家都對燒賣皇后不陌生,元朗燒賣皇后是三十年街坊店, 堅持自家製作,主打多款街頭小食如燒賣、魚蛋、生菜魚肉等,其中最著名就是香菇豬肉燒賣,選用新鮮豬腩肉混上手打鯪魚肉,再配上冬菇,豬肉彈牙,口感爽滑!

元朗燒賣皇后,不少元朗街坊由細食到大。
燒賣每日新鮮即製。
香菇豬肉燒賣$15/6粒
燒賣粒粒爽口彈牙,食落很香。

4.三多炸髀 極香脆生炸雞髀

三多是元朗人氣小食店之一,主打即叫即炸大雞髀,保證熱辣辣,雞脾香脆鬆軟,咬落爆汁,有成塊面咁大,很惹味!

三多炸髀,首次進駐Foot court。
炸大雞髀配薯條汽水$49
咬落勁香脆,食落雞肉算滑身。

5.泰麵膳 主打泰式船麵

最近人氣大熱的泰式船麵,在Food court都有得食!泰麵膳代表作就是安格斯牛肉船麵,以安格斯牛肉配以八角,荳蔻, 胡椒,花椒等等正宗泰國香料餚製的湯底,入口濃郁,牛肉嫩滑,充滿地道風味!

泰麵膳主打地道泰式船麵。
安格斯牛肉船麵$62
麵條爽彈,湯底很入味,配上嫩滑安格斯牛肉,勁正!

Foodeli
地址:元朗朗日路8-9號及元龍街9號形點I期2樓2042號舖
營業時間:
星期一至四及星期日:10:30am-10:00pm
星期五、六:10:30am-10:30pm
Facebook:Foodeli
Instagram:foodelihk

最新吃喝玩樂資訊