【安心偷食】許志安靈魂歸位 生性操弗陪Sammi開騷
【安心偷食】許志安靈魂歸位 生性操弗陪Sammi開騷

【安心偷食】許志安靈魂歸位 生性操弗陪Sammi開騷

安心偷食」事件發生近三個月,男女主角許志安黃心穎的命運各走極端,許志安勇於承認自己係壞咗嘅人,痛定思痛留港潛水懺悔,獲老婆Sammi大愛原諒重新接納,三個月後又一條好漢,繼早前與友人外出時公開表示與心穎斬纜冇聯絡﹐日前再約梁炳(梁漢文)練跑﹐心情大靚表現輕鬆的許志安,仲瞇晒眼笑談與Sammi已和好如初:「冇嬲我啦!」許志安浪子回頭,雖然要無限期停工自我維修, 但他依然唔敢偷懶忙住操弗,除了為陪Sammi開騷,也為自己錯後出山做好準備。與人又冇、工又冇埋,仲要著草美國的姣心穎相比,許志安正向承擔後果的表現,雖未至於獲所有人原諒,但起碼有Sammi力撐,二人共同攜手跨過難關﹐感情更勝從前。

編輯:GW| 圖片:新傳媒圖片、IG|原文:東方新地

許志安操弗陪Sammi開騷

許志安一生最大的成就,應該就是娶到Sammi鄭秀文,離合多次終於修成正果,今年4月卻爆出「安心偷食」事件,許志安令人徹底失望,但Sammi卻未有離棄他,而且很快便作出原諒的決定。許志安痛失今年9月開個唱的機會,但坦然接受懲罰,選擇以行動來彌補過失,當日在記者會上,安仔喊住承認自己所做的壞事,坦言自己像是冇靈魂、壞咗嘅人,需要時間去修補,此後安仔便一直深居簡出。

許志安
上周五(5日), 許志安由淺水灣出 發,駕車前往梁漢文位 於港島半山干德道的寓所,接梁炳外出跑步, 遇上本刊記者,滿臉鬚 根的梁炳表現得有點尷尬。

同框健身試水溫

過去三個月,安仔為找回被姣心穎勾走的靈魂,甚少步出家門,變得心歸。而Sammi亦忙於為7月的個唱做準備,每日練歌、排舞、健身及開會,精神與體力上都消耗甚大,安仔就成為她精神上的補充劑。知情者透露:「呢三個月,安仔大部分時間都留喺屋企守行為,一來佢唔知出到街會唔會畀人追住鬧,二來佢都要做好多嘢去令Sammi覺得佢有誠意修補關係,得把口冇用,行動最實際。Sammi每日出去排舞同健身,返到屋企都好夜,安仔都會叫工人準備好膳食,幫佢按摩舒緩吓,傾吓偈分擔壓力,等Sammi可以好好休息。之前安仔都會陪住Sammi出去練跑,出事後佢哋冇再一齊出街跑,最多都係去健身室。早前Sammi上載咗張有安仔倒影嘅相上社交網,就係想試吓外界嘅反應,睇吓大家仲會唔會好反感,明眼人都知Sammi真係好緊張安仔,佢想大家都接受返安仔,呢啲好老婆真係好難得。」Sammi清楚知道,她的粉絲都愛屋及烏,想安仔有翻身機會,關鍵就是她要完全原諒安仔。

最新吃喝玩樂資訊